Los-Ancelesdəki yanğınlara görə bir nəfər saxlanıldı - Fotolar

Amerika polisi Los-Ancelesdə güclü meşə yanğınlarını törətməkdə şübhəli bilinən bir nəfəri saxlayıb. “Qafqazinfo” xəbər verir ki, bu barədə məlumatı şəhərin polis zabiti Şon Dinsə istinadən “NewsNation” yayıb. Los-Anceles prokuroru Natan Hohman bildirib ki, yanğını törədən şəxslərlə bağlı maksimum cəza tətbiq ediləcək. Xatırladaq ki, Kaliforniya ştatında yanğınlar yanvarın 7-dən davam edir. Los-Ancelesdə 100 mindən çox sakin təxliyə barədə bildiriş alıb. Ən son məlumata görə, hadisə səbəbindən 10 nəfər həlak olub.