Los-Ancelesdəki Baş Konsulluğumuzun binası evakuasiya edildi

Yanvarın 7-dən etibarən Los-Anceles şəhərinin qərbində başlamış yanğınlarla əlaqədar Azərbaycan vətəndaşlarının təhlükəsizliyinin təmin edilməsi məqsədilə ölkəmizin Los-Ancelesdəki Baş Konsulluğu tərəfindən müvafiq iş aparılır. Bu barədə “Qafqazinfo”nun sorğusuna cavab olaraq Azərbaycan XİN-in mətbuat katibi Ayxan Hacızadə bildirib. “Belə ki, Baş Konsulluğumuza məxsus sosial media hesablarında (https://x.com/azconsulatela/status/1876908935355007248?s=46, https://www.facebook.com/azconsulatela) xəbərdarlıq elanı və təcili əlaqə nömrəsi (+13109234540) yerləşdirilib. Həmçinin vətəndaşların yanğınlarla bağlı məlumat əldə etmələri və təhlükəsizlik təlimatı ilə tanış olmaları üçün müvafiq internet səhifəsinə keçid linki paylaşılıb (lafd.org/alerts). Əlavə olaraq, Baş Konsulluğun yerləşdiyi binanın müvəqqəti olaraq evakuasiya edilməsinə baxmayaraq, distant qaydada Baş Konsulluğun fəaliyyəti davam edir, hadisələrin gedişatı izlənilir və vətəndaşlarla əlaqə kanalları daim açıq saxlanılır”, - XİN rəsmisi qeyd edib.