Premyer Liqa: “Qarabağ” “Şamaxı”nı məğlub etdi
Qarabağ Şamaxını 3:1 hesabı ilə məğlub etdi
Futbol üzrə Azərbaycan Premyer Liqasında I turun son oyununda “Qarabağ” “Şamaxı”nı 3:1 hesabı ilə məğlub edib.
Tofiq Bəhramov adına Respublika Stadionunda keçirilən qarşılaşmada Ağdam təmsilçisi inamlı qələbə qazanıb. “Qarabağ”ın ilk qolunu 28-ci dəqiqədə Renaldo Sefas vurub. “Şamaxı” 43-cü dəqiqədə Edqar Adilxanovun qolu ilə hesabı bərabərləşdirib.
İkinci hissədə “Qarabağ” yenidən önə keçib. “Şamaxı”nın futbolçusu Rikardo Apolinario avtoqola imza ataraq meydan sahiblərinin hesabı 2:1 etməsinə səbəb olub. Qarşılaşmada sonuncu qolu isə 85-ci dəqiqədə Aleksey Kaşuk vurub.
Beləliklə, “Qarabağ” Azərbaycan Premyer Liqasının I turunda “Şamaxı” üzərində 3:1 hesablı qələbə qazanıb.
Turun digər oyunlarında “Turan Tovuz” “Qəbələ”ni 1:0, “Sabah” “Kəpəz”i 2:0, “Zirə” “Şəfa”nı 2:0, “Neftçi” isə “Sumqayıt”ı 3:1 hesabı ilə məğlub edib. “Araz-Naxçıvan” və “İmişli” arasındakı görüş isə 0:0 hesabı ilə başa çatıb.
