Daşkəsəndə yük avtomobili aşdı – Yaralılar var

Daşkəsəndə yük avtomobilinin aşması nəticəsində yol-nəqliyyat hadisəsi baş verib.

Yenicag.az-ın verdiyi məlumata görə, qəza rayonda yerləşən Qoşqar dağı ərazisində baş verib. Hərəkətdə olan “Ural” markalı yük avtomobilinin aşması nəticəsində iki nəfər ağır xəsarət alıb. Qəza nəticəsində yaralanan 1990-cı il təvəllüdlü Zakir Cəfərov, 1978-ci il təvəllüdlü Tofiq İsmayılov Gəncədəki xəstəxanalardan birinə yerləşdirilib.

Onlara tibbi yardım göstərilib. Xəsarət almış şəxslərdən T.İsmayılovun vəziyyəti ağır, digərinin isə orta ağır qiymətləndirilir.

Faktla bağlı araşdırma aparılır.