İsrailli xanım nazir geyimi ilə Amerikaya ismarış göndərdi - VİDEO

İsrailin idman və mədəniyyət naziri Miri Regev "Kan" film festivalına qatılıb.

GoldNews.Az xəbər verir ki, xanım nazir qatıldığı mərasimdə geyindiyi geyim ilə qalmaqal yaradıb. Regevin geyindiyi libasın ətəklərində panoramik bir Qüds mənzərəsinin içində "Ağlama divarı" və "Qızıl qübbəli Qubbet'ül-Sahra" fotoları da yer alıb. Bu şəkillərin ortaya qoyduğu siyasi ismarış isə son zamanlar Amerika ilə yaşanan siyasi qarşıdurmaya işarə edir.

Siyasi məna daşıdığı güman edilən geyim son zamanlar Tramp hökümətinə bağlı bəzi amerikalı siyasətçilərin "Ağlama Divarı" ilə bağlı etdiyi açıqlamalara cavab kimi edilib. İsrail kanallarında yayımlanan açıqlamalara görə, amerikalı siyasətçilər bildiriblər ki, "Ağlama Divarı" İsrail hakimiyyəti altında deyil və bu bölgənin Qərbi Şeria bölgəsi olduğu bildirilib.

Buna cavab olaraq isə israilli nazirin geyindiyi libas Amerikaya bu cavabı verib: "Ağlama Divarı və "Qızıl qübbəli Qubbet'ül-Sahra" da daxil olmaqla bütün Qüds bizimdir".

Qalmaqallı geyimin dizayneri isə israilli dərzi Aviad Arik Hermandır.