Amerikaya getmək istəyənlərin nəzərinə! Trump "Green Card"ı ləğv edir - Yerinə "Bacarıq əsaslı" gəlir

ABŞ-ın Virciniya ştatında ABŞ Federal İstintaq Bürosu (FBI) Milli Akademiyasında buraxılış mərasimində danışan ABŞ prezidenti Donald Trump ABŞ miqrasiya qanunvericiliyilə bağlı dəyərləndirmə aparıb və müvafiq aktların dəyişdirilməsi lazım olduğunu müdafiə edib.

GoldNews.Az xəbər verir ki, Trump "Bir çəkiliş aparılır və insanlar seçilir. Ölkələrin bizə ən yaxşı vətəndaşlarını verəcəyini güman edirsiniz? Xeyr. Bizə ən pislərini verirlər. Konqresə çəkilişlə viza rejimini qaldırması və onun yerinə bacarıq əsaslı bir sistem gətirməsi barədə müraciət edirik" şəklində danışıb.

FBI əməkdaşlarına və Amerika polisinə göstərdiyi xidmətlərə görə təşəkkür edən Trump "Hazırda sizi Ağ Evdə indiyədək olmadığı qədər dəstəkləyən biri var" ifadəsini istifadə edib.

Trump daha əvvəlki çıxışlarında da ölkədəki miqrasiya qanunlarının dəyişdirilməsi, qaçqın adı verilən və birinci dərəcə ailə üzvlərinin də uzunmüddətli ABŞ vizası almasına imkan verən sistemin və çəkilişlə yaşıl kart təmin edən planların götürülməsini tələb edib, konqresin bu istiqamətdə iş görməsi lazım olduğunu söyləyib.