Almaniyada ehtiyat qüvvələr üçün yeni çağırış: yaş həddi artırılır

Almaniyada ehtiyat hərbi qüvvələrin gücləndirilməsi istiqamətində yeni qanun layihəsi üzərində iş aparılır. Sənədə əsasən, orduda bir ildən az xidmət etmiş və 45 yaşına çatmış kişi və qadınlar mütəmadi olaraq hərbi təlimlərə cəlb olunacaqlar. Təlimlərin hər il iki həftə və ya iki ildən bir keçirilməsi planlaşdırılır.

Yaş limiti artırılır

Layihəyə görə, bir ildən çox hərbi xidmət keçmiş və ya peşəkar hərbçi kimi fəaliyyət göstərmiş şəxslər 65 yaşına qədər ehtiyatda saxlanılacaq. Eyni zamanda, Bundestaqın müdafiə komitəsinin üzvü Bastian Ernst ehtiyatda olan hərbçilər üçün yaş həddinin 70-ə qədər artırılmasını təklif edib.

Təhlükəsizlik prioritetdədir

Almaniya hakimiyyəti bu addımı ehtiyat qüvvələrin əlçatanlığını və milli təhlükəsizliyi gücləndirmək məqsədilə atır. Yeni qanun layihəsinin qəbul edilməsi ölkənin müdafiə qabiliyyətinin artırılmasına yönəlib.