Bakı “Jara”sı Rusiya televiziyası ilə nümayiş olunacaq

“Jara” Beynəlxalq Musiqi Festivalı Rusiyanın Birinci telekanalı ilə nümayiş etdiriləcək.

Goldnews.az oxu.az-a istinadən xəbər verir ki, bu barədə “Instagram” səhifəsində festivalın təşkilatçılarından olan Azərbaycanın xalq artisti Emin Ağalarov yazıb.

Artistin sözlərinə görə, efir sabah, avqustun 3-də Moskva vaxtı ilə saat 21.30-da (Bakı vaxtı ilə 22.30-da) Rusiyanın Birinci kanalında baş tutacaq.

Xatırladaq ki, festival iyulun 26-dan 29-na kimi Bakıda keçirilib.