"Hər dəfə 10 manat verib almaq sərf etmir" - Narkoman - VİDEO

Narkotik istifadəçiləri tutuldular

Sumqayıt ŞPİ Cinayət Axtarış Şöbəsi və 4-cü Polis Bölməsi əməkdaşlarının daxil olan məlumat əsasında keçirdikləri əməliyyat nəticəsində Saray bağlar massivində yaşayan əvvəllər məhkum olunmuş Qiyas Bayramov saxlanılıb. GoldNews.az ARB TV-yə istinadla xəbər verir ki, onun yaşadığı evin həyətyanı sahəsinə baxış keçirilən zaman kultivasiya yolu ilə yetişdirilən ümumi çəkisi 4 kiloqram 900 qram olan 76 ədəd çətənə kolu, mənzildən isə əlavə olaraq 5 kiloqram 800 qram çəkidə qurudulmuş marixuana aşkar olunaraq götürülüb. Saxlanılan şəxs ifadəsi zamanı çətənə toxumlarını bir neçə ay bundan əvvəl evinin həyətində əkdiyini və onlara xüsusi üsulla qulluq edərək yetişdirdiyini bildirib. Qiyas Bayramov (Saxlanılan şəxs): "Girib orada yaşayırdım. Ehtiyacıma görə əkmişdim, alınmadı. Böyüklərin yığmışdım, balacaları qalmışdı". Sumqayıt ŞPİ əməkdaşlarının keçirdikləri növbəti əməliyyat tədbiri nəticəsində narkotik vasitələrin qanunsuz dövriyyəsində şübhəli bilinən şəhər sakini Elməddin Ağayev saxlanılıb. Onun əlindəki bağlamaya baxış keçirilən zaman 470 qram qurudulmuş marixuana aşkar olunaraq götürülüb. Elməddin Ağayev (saxlanılan şəxs): "Xızıya getdim. 150 manat cibimdə pulum var idi. Dedim ki, 470 qram nəşə alım, atım başımın altına. Hər dəfə 10 manat verib almaq sərf etmir. Aldım atdım başımın altına dedim bir il çəkərəm". Sumqayıt polisi əvvəllər məhkum olunmuş Aqşin Adıgözəlovu da narkotik vasitələrin qanunsuz dövriyyəsində şübhəli bilindiyi üçün saxlayıb. Onun üzərinə baxış zamanı 465 qram qurudulmuş marixuana götürülüb.

Aqşin Adıgözəlov (saxlanılan şəxs): "Novxanıdan 100 manata aldım. Özüm üçün istifadə edirdim. Çəkisi 495 qram idi".

Faktlarla bağlı Sumqayıt ŞPi-nin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb, zəruri istintaq hərəkətləri və əməliyyat-axtarış tədbirləri davam etdirilir.