Gəncədə polislərdən birinin qətlə yetirilmə anının görüntüləri yayıldı – VİDEO

Ötən gün saat 20 radələrində 150-200 nəfərdən ibarət radikal dini yönümlü bir qrup şəxs Gəncə şəhər İcra Hakimiyyətinin inzibati binasının önündəki meydana toplaşaraq asayişi kobud şəkildə pozmağa cəhd göstərib.

GoldNews.az xəbər verir ki, xidməti vəzifələrini yerinə yetirən polis əməkdaşlarının xəbərdarlığına məhəl qoymayan qanunazidd hərəkətlərin iştirakçıları özləri ilə gətirdikləri küt və kəsici-deşici alətlərlə asayiş keçşikçilərinə müqavimət göstəriblər.

Görülmüş operativ tədbirlərlə təxminən 30 dəqiqə ərzində şəhərin mərkəzində asayiş tam bərpa edilib. Lakin təəssüflər olsun ki, qanunsuz hərəkətlərin qarşısı alınarkən xidməti vəzifələrini yerinə yetirən iki polis zabiti – Gəncə Şəhər Baş Polis İdarəsinin rəis müavini, polis polkovniki İlqar Balakişiyev və Nizami Rayon Polis İdarəsinin rəis müavini, polis polkovnik-leytenantı Səməd Abbasov radikal ünsürlərin kəsici-deşici alətlərlə yetirdikləri zərbələr nəticəsində şəhid olublar.

Sosial şəbəkələrdə dünən Gəncədə baş verən iğtişaşlarda həlak olan polis zabitlərindən birinin qətl anının videosu yayılıb.

GoldNews.az “avropa.info”ya istinadən xəbər verir ki, kadrlar bir qədər kənardan çəkilsə də, yerə yıxılan polis əməkdaşının əlində xəncər tutmuş qara köynəkli bir şəxs tərəfindən vəhşicəsinə bıçaqlandığını görünür.