Ermənistandan qorxu dolu MÜHARİBƏ ANONSU: "Azərbaycana qarşı müdafiə olunmaq olduqca çətindir"
Regional Araşdırmalar Mərkəzinin direktoru, politoloq Riçard Qiraqosyan müsahibəsində Ermənistan-Azərbaycan Dağlıq Qarabağ münaqişəsinin Rusiyaya təsirindən danışıb.
GoldNews.Az xəbər verir ki, Riçard Qiraqosyan Ermənistan-Azərbaycan münaqişəsinin yeni mərhələsi barədə danışarkən qeyd edib ki, 2016-cı ildən bəri münaqişədə yeni atmosfer yaranıb və bunun nəticələri daha da mənfi olacaq. Nəticədə ATƏT-in İrəvan ofisi də bağlanıb. Bundan əlavə, bu münaqişədə Rusiyanın mövqeyi də dəyişib.
ATƏT-in Minsk Qrupunun rusiyalı həmsədri İqor Popov İrəvan və Bakının cəbhə xəttində beynəlxalq müşahidəçilərin sayının artırılması ilə bağlı bəzi razılıq əldə etdiyini bildirib. Rusiya nümayəndəsinin bu hərəkəti etməsi əslində nə dərəcədə vacibdir?
Politoloq bildirib ki, açığı o, buna inanmır. Çünki bunun üçün konkret dəlil yoxdur. Məncə, diplomatik irəliləyiş üçün imkan var. Lavrovun planı əslində bizi arxayın salmamalıdır. Çünki prosesdə hələlik yeni bir inkişaf yoxdur. Bu, sadəcə Aprel döyüşlərindən sonra Azərbaycanın Vyana və Sankt- Peterburqda keçirilən görüşlər zamanı verdiyi vəddir. Biz indi oturub, qorxaraq Azərbaycanın bu vədini nə vaxt həyata keçirəcəyini gözləməməliyik. Cəbhə xəttində hər an gərginlik arta bilər, lakin Azərbaycandan gözlənilən addım hələ də atmayıb.
Beləliklə, siz düşünürsünüz ki, beynəlxalq ictimaiyyətin Azərbaycana təsir edəcək kifayət qədər gücü yoxdur?
Qiraqosyan söyləyib ki, ATƏT-in Minsk Qrupunun son bəyanatlarının birbaşa hədəfi daha çox Azərbaycan olub. Mühüm hadisə ATƏT-in İrəvan ofisinin fəaliyyətinə xitam verilməsidir. Bu ofis Rusiya siyasətinin vacib atributlarından biri idi. Azərbaycan bununla Rusiyanın qəzəbinə səbəb olub.
Siz həqiqətən düşünürsünüzmü ki, Azərbaycan və Rusiya arasında ciddi gərginlik ola bilər?
O bildirib ki, Azərbaycan günü-gündən inkişaf edir və bu da Rusiyanın maraqlarına ziddir. Buna görə də onlar arasında gərginliyin yaranmasına ciddi şərait var.
Bəs, bu hadisəyə ATƏT-in Minsk Qrupu necə reaksiya verəcək?
Politoloq qeyd edib ki, heç bir uzunmüddətli dəyişiklik olmayacaq. Hələ nəsə bir hərəkət etmək üçün tezdir. Biz gərək ATƏT-in Minsk Qrupunun həmsədrlərinin dəyişikliklərini gözləyək, lakin ehtimal olunur ki, bu, baş verməyəcək. Bundan başqa, Rusiya, Fransa və ABŞ-ın fonunda ortaq yanaşma yaratmaq və bu məsələ ilə bağlı danışmaq daha çətin olacaq.
O zaman belə demək demək doğru olardı ki, ATƏT-in Minsk Qrupunun bəyannaməsinə əsasən, onlar cəbhə xəttində araşdırma aparmaq üçün mexanizmlərini işə salsınlar və ödənişlərin qarşılanması Azərbaycan tərəfindən həyata keçirilsin?
- Bəli, bunu etmək olar, lakin bu sualın uzun cavabı var.
Bəzi hərbi ekspertlər hesab edirlər ki, cəbhədə gərginlik artıb. Siz bu baxımdan nə deyə bilərsiniz?
Bu proses hələ də davam edir. Azərbaycanın Ermənistanın hərbi mexanizmlərini məhv etməsi sadəcə Ermənistanı yox, Rusiyanı da düşündürüb. Çünki bu mexanizm Ermənistan Rusiya birlikdəliyinin məhsulu idi.
Bəs, Ermənistan ordusu buna görə Azərbaycana cavab verəcək?
Riçard Qiraqosyan söyləyib ki, bəli, lakin Azərbaycan ordusu güclüdür və onlardan hansı həmlənin gələcəyi məlum deyil. Bir də, cəbhədə baş verən hadisələrin əsas səbəbi daxili siyasətin məntiqsiz olmasıdır. Buna görə də Azərbaycana qarşı müdafiə olunmaq olduqca çətindir.
