26 mindən çox abituriyent imtahan verdi - "Suallar asan idi" - VİDEO

Bu gün Dövlət İmtahan Mərkəzi ölkə üzrə 26 mindən çox abituriyent üçün 9 şəhər və rayonda imtahan keçirib.

GoldNews.az xəbər verir ki, imtahanlarda abituriyentlər ali təhsil müəssisələrinin V ixtisas qrupuna xüsusi qabiliyyət tələb edən ixtisaslara və 11 illik orta təhsil bazasında orta ixtisas təhsili müəssisələrinə imtahan veriblər.

İmtahanda ümumilikdə 26 mindən çox abituriyent iştirak edib. İmtahanlar 9 şəhər və rayonda - Bakı, Naxçıvan, Gəncə, Şəki, Bərdə, Göyçay, Şirvan, Lənkəran və Xaçmazda keçirilib. İmtahanların idarə olunması üçün 188 imtahan rəhbəri, 2182 nəzarətçi-müəllim ayrılıb.

İmtahan verən abituryentlərin əksəriyyəti imtahanlardan çıxar-çıxmaz artıq nəticələrinin necə olduğunu təxmin edirdilər.

Imtahan verənlər qədər onların valideynləri də həyəcanlı idilər.

İmtahanlar 2 saat 15 dəqiqə davam edib.

Xezerxeber.az mövzu ilə bağlı daha ətraflı videomaterialı təqdim edir: