Bakı, Abşeron və Sumqayıtda buraxılış imtahanları təkrar keçiriləcək

Bakı, Abşeron və Sumqayıtda buraxılış imtahanı təxirə salındı

Buraxılış imtahanlarının keçirilməsi ilə bağlı Dövlət İmtahan Mərkəzindən yeni qərar açıqlanıb. 17 may tarixində Bakı, Abşeron və Sumqayıtda hava şəraitinin əlverişsiz olması səbəbindən bəzi şagirdlər imtahanda iştirak edə bilməyiblər.

Təkrar imtahan nə vaxt olacaq?

Rəsmi məlumata görə, bu şəhərlərdə imtahanda iştirak etməli olan şagird və abituriyentlər üçün təkrar imtahan 21 iyunda baş tutacaq. Həmin imtahana yalnız qeyd olunan şəhərlərin şagird və abituriyentləri qatılacaq.

Qeydiyyat və iştirak qaydaları

Təkrar imtahanda iştirak etmək istəyənlər 25-26 may tarixlərində Dövlət İmtahan Mərkəzinin saytında qeydiyyatdan keçməlidirlər. 17 mayda imtahana buraxılış vərəqəsi alıb, lakin hava şəraiti üzündən iştirak edə bilməyənlər üçün bu dəfə imtahan ödənişsiz olacaq.

İmtahanda iştirak etmiş abituriyentlər isə yenidən imtahan vermək istəsələr, müvafiq qaydada ödəniş etməklə bu hüquqdan istifadə edə biləcəklər.

Alternativ tarix və müraciət qaydası

Kollecə qəbul olmaq üçün sənəd təqdim etməmiş, lakin 17 mayda buraxılış imtahanında iştirak etməli olan şagirdlər 25-27 may tarixlərində təhsil aldıqları məktəbə müraciət etməklə 21 iyundakı imtahanda iştirak edə biləcəklər. İmtahanda iştirak etmək istəməyənlər isə sentyabrda növbəti buraxılış imtahanına qoşula bilərlər.