Alim Qasımov: "Deyirəm ki, ağıllı ol"

14 avqust Azərbaycanın xalq artisti, muğam ifaçısı Alim Qasımovun doğum günüdür.

A.Qasımov 1957-ci ildə Qobustan rayonunun Nabur kəndində anadan olub. O, 1978-1982-ci illərdə Asəf Zeynallı adına Bakı Musiqi Məktəbində və 1983-1989-ci illərdə Azərbaycan Dövlət İncəsənət İnstitutunda muğam dərsləri alıb. 1979-cu ildə Azərbaycan Televiziyası ilə ilk çıxışı olub. Hazırda Asəf Zeynallı adına Musiqi Məktəbində və Bakı Musiqi Akadamiyasında çalışır. Azərbaycan Dövlət Opera və Balet Teatrının solistidir.

Azərbaycan muğamını bütün dünyada təbliğ edən xanəndə bu gün 60 yaşına qədəm qoyur.

Alim Qasımov bildirib ki, yaş üstünə yaş gəldikcə özünü tənbeh edir: "Yaş üstünə yaş gəldikcə özümə deyirəm ki, ağıllı ol, bir az özünü ağır apar. Düzdür, cavanlıq beynimdə fırlanır, amma özümü tənbeh edirəm. Yəni özümə tərbiyə verə-verə yaşamaq istəyirəm"./modern.az