Alim Qasımov oğlunun "gözünün çıxarılmasından" danışdı: "Qadir yuxulu olub"

Xalq artisti Alim Qasımov oğlu Qadir Qasımovun gözünün çıxarılmasıyla bağlı yayılan xəbərlərə aydınlıq gətirib.

GoldNews.Az xəbər verir ki, sənətkar açıqlamasında oğlunun xəsarət aldığını təsdiqləsə də, bunun başqa səbəbdən baş verdiyini söyləyib: "Kim nə gəldi yazır. Orada nə dava olub, nə də oğlumu vurublar. Güzdəkdə evimiz var. Pilləkəndən düşəndə ayağı çay daşına ilişib, yıxılıb, dişi sınıb, gözü də zədələnib. Amma heç bir davadan söhbət gedə bilməz. Sadəcə, kimsə çağırıb, Qadir də yuxulu olub. Ayağı ilişib yıxılıb".

Qeyd edək ki, mətbuatda və sosial şəbəkələrdə bu barədə xəbər yayılmışdı. Bildirilirdi ki, A.Qasımovun qohumlarının iştirak etdiyi məclisdə dava düşüb. Qadir Qasımov qohumları sakitləşdirməyə çalışarkən özü də xəsarət alıb./Ölkə.Az