Bakının mərkəzində Zəhraya görə qalmaqal: "Mən xızılıyam, orada ölən mənim vecimə də deyil”
Bakının piyada keçidlərindən birində xoşagəlməz hadisə yaşanıb.
GoldNews.az xəbər verir ki, piyada keçidində yerləşən obyektlərdən birinin sahibi ermənilər tərəfindən qətlə yetirilən 2 yaşlı Zəhranın dəfn günündə yüksək səslə şən musiqi səsləndirib. Bu da keçiddən istifadə edən vətəndaşlar tərəfindən etirazla qarşılanıb. Obyektin mühafizəçisi isə musiqinin səsini endirməyəcəyini, baş verənlərin isə onun vecinə olmadığını bildirib.
“Bu, mənim problemim deyil. Mən xızılıyam. Orada ölən mənim vecimə də deyil”. Ərazidə olan şəxslər qanına qəltan edilmiş, məsum Zəhranın şəkilini göstərsələr də, bu naqis hərəkəti edən insanı, "azərbaycanlını" inadından döndərə bilməyiblər.
Qeyd edək ki, Zəhra Quliyeva iyulun 4-də ermənilərin Füzulinin Alxanlı kəndini atəşə tutması nəticəsində dünyasını dəyişib.
