Azərbaycanda TOY YASA ÇEVRİLDİ: Gəlin gələcəkdi, ÖZÜNÜ ASDI

Bu gün gəlin gətirməyə hazırlaşan ailə dəfnə toplaşıb. Xaçmazda toy yasa çevrildi. İyulun 5 -də axşam saat 22 radələrində Xaçmazın Xanlıqoba kəndində 41 yaşlı Natəvan Ramazan qızı Qurbanova özünü öldürüb. O yaşadığı evin dam altlığından özünü kəndir iplə asaraq intihar edib. Xaçmaz hüquq-mühafizə orqanlarından verilən məlumata görə, bu gün Natəvan Qurbanovanın qaynı Əjdər Qurbanovun evində xeyir iş olmalı idi. Bütün qohumlar xeyir işdən bir gün qabaq - yəni dünən Əjdərin evinə yığışıblarmış. Natəvan Qurbanova da orada olub, o axşam saat 18 radələrində hamıdan gizlin gözdən yayınaraq öz evinə gəlib və özünü asıb. Dörd uşaq anası olan Natəvanın qızları analarını toy evində görməyərək onu axtarmağa başlayıblar və qadını asılmış vəziyyətdə taparaq atalarına məlumat veriblər. Qadının heç bir problemi olmadığı, həyat yoldaşı ilə də normal münasibəti olduğu deyilir. Meyid tibbi ekspertizadan keçirilib. Xaçmaz prokurorluğunda CM-nin 125-ci -özünü öldürmə maddəsilə cinayət işi açılıb, istintaq başlanılıb.

İstipress