Rusiyanın hərbi nəqliyyat təyyarəsi qəzaya uğradı - 32 ölü

Rusiyanın hərbi nəqliyyat təyyarəsi Suriyada qəzaya uğrayıb.

GoldNews.Az-ın xəbərinə görə, barədə Rusiya Müdafiə Nazirliyi məlumat yayıb.

İlkin məlumata əsasən, təyyarənin göyərtəsində 26 sərnişin və 6 heyət üzvü olub.

Onların hamısının həlak olduğu bildirilir.

Qəza Moskva vaxtı ilə saat 15:00-da (Bakı vaxtı ilə 16.00) Hmeymim aeroportuna eniş zamanı baş verib. Təyyarə eniş zolağına 500 metr qalmış yerə çırpılıb.

İlkin məlumata görə, hadisəyə texniki nasazlıq səbəb ola bilər.

Rusiya MN qəza ilə bağlı bütün versiyaları araşdırır.