Kafedə güclü partlayış - Bakıda

Bakı şəhəri, Nizami rayonunda ümumi sahəsi 150 m2 olan kafedə yanğınla nəticələnən partlayış baş verib.

GoldNews.az -ın Fövqəladə Hallar Nazirliyinin saytına istinadən verdiyi xəbərə görə, hadisə zamanı kafenin mətbəxinin qapı və pəncərəsi çərçivədən çıxıb, mətbəxdə qaz sobası, taxta rəflər və rəflərdə olan mətbəx əşyaları 18 m2 sahədə yanıb.

Kafenin qalan hissəsi yanğından mühafizə olunub. Hadisə zamanı ölən və xəsarət alan olmayıb. Yanğın yanğın bölmələri tərəfindən söndürülüb.