Rusiya telekanalı Lənkəranski barədə sujet hazırladı - VİDEO

Rusiya telekanallarından biri ötən ilin avqust ayında qətlə yetirilən azərbaycanlı kriminal avtoritet Rövşən Lənkəranski barədə sujet hazırlayıb.

GoldNews.Az xəbər verir ki, Rusiya telekanalı sujetdə qeyd edib ki, Canıyevin ölümündə 3 nəfər günahlandırılaraq həbs olunub.

"Rövşən Lənkəranski milyarder qardaşına məxsus şəxsi təyyarə ilə ölkəsinə gətirilib və qəhrəman kimi qarşılanıb. İnsanlar onun şəkillərini qara çərçivədə maşınlarının üzərinə qoyublar. Rövşən Lənkəranskini İstanbulun mərkəzində öldürüblər. Canıyev və onun sürücüsü ağır yaralanıblar. Sürücü xəstəxanaya çatdırılarkən yolda dünyasını dəyişib. Xəstəxanada Canıyevə məxsus şəxsiyyət vəsiqəsində onun soyadı Əliyev kimi göstərilib, lakin polislərə məlum olub ki, bu qanuni oğru məhz Rövşən Lənkəranskidir. Onun haqqında araşdırma aparılıb", -deyə kalan qeyd edib.

Sujetdə o da qeyd edilib ki, Rövşən Lənkəranski ondan əvvəl fevralda xəsarət alıb, amma həmin vaxt dünyasını dəyişməyib. Lakin o, özünün ölüm xəbəri ilə düşmənlərini aldatmaq istəyib.

"Amma 18 avqustda dünyasını dəyişib və istintaq nəticəsində məlum olub ki, ölən Rövşən Lənkəranskidir. Canıyev kriminal aləmdə Ded Xasan kimi tanınan Aslan Usayanın ölümündə günahlandırılır. Lakin onun ölüm faktına görə Lənkəranski yox, Beyləqanski tutulub, o da Lənkəranskinin sifarişi ilə avtoritet Bakinskinin zamanında öldürülüb. Türkiyə polisi tərəfindən tədqiqat hələ də davam edir".

Qeyd edək ki, Rövşən Lənkəranski ötən ilin 18 avqustunda öldürülüb.