Ərəb mətbuatından maraqlı iddia - Bağdadinin yerinə o GƏTİRİLİR

Ərəb mətbuatının iddiasına görə, ötən həftə öldürülən DEAŞ lideri Bağdadinin yerinə, təşkilatın Liviyadakı yüksək səviyyəli şəxsi Cəlaləddin əl Tunisi keçəcək.

GoldNews.Az xəbər verir ki, ötən həftə ölümü həm rus, həm Suriya, həm də İŞİD mənbələri tərəfindən ölümü təsdiqlənən terrorçu lideri Bağdadinin yerinə keçəcək ad açıqlanmayıb. Ərəb mətbuatı Bağdadinin yerinə keçəcək adı təxmin etməyə başlayıb.

Kimin liderlik edəcəyi açıqlanmamışdı

İŞİD tərəfindən edilən açıqlamada təşkilatın birlikdə qalması lazım olduğu bildirilsə də, dəqiq bir ad açıqlanmaması dünya ictimaiyyətində maraq doğurub.

Ərəb mətbuatına görə Bağdadinin yerinə keçəcək ad

Bu gün ərəb mətbuatı liviyalı bir şəxsdən danışmağa başlayıb. "Al Arabiya"ya görə, təşkilatın Liviyadakı yüksək səviyyəli adamı Cəlaləddin əl Tunisi Bağdadinin yerinə keçəcək.

Tunisli terroçu Fransız vətəndaşıdır

Tunisli olduğu məlum olan və əsl adı Məhəmməd Bin Salem əl Ayuni olan terrorçu 1982-ci il təvəllüdlüdür. O, 90-cı illərdə Fransaya yerləşib və Fransız vətəndaşlığı alıb. 2011-ci ildə Tunisdə yaşanan Ərəb Baharı ilə birlikdə Tunisə gedən əl Ayuni, daha sonra Suriyaya gedərək İŞİD-də iştirak edib.