ƏMƏKDAR artist Azərbaycanı həmişəlik TƏRK etdi- "qızımla, nəvəmlə orda yaşayacağam"-FOTO
Uzun müddətdir ki, Türkiyədə qızının yanında yaşayan əməkdar artist Kubra Əliyeva bügünlərdə Azərbaycanda olarkən bu sözləri deyib. Aktrisa yenidən geri birdəfəlik qayıdacağını bildirib: “Azərbaycana əzizlərimi görmək üçün gəldim. Nəvələrimlə görüşdüm. Sabah Gəncəyə – valideynlərimin, qardaşlarımın qəbrini ziyarət etmək üçün gedəcəyəm. Sonra yenidən Türkiyəyə qayıdacağam. Artıq Bodrumun Milas şəhərində ev almışam, qızımla, nəvəmlə orda yaşayacağam. Oranın havası mənə düşür, özümü razhat hiss edirəm. Ara-sıra Azərbaycana da gələcəyəm”. Aktrisa səhhəti ilə bağlı bunları deyib: “Özümü yaxşı hiss edirəm, amma mütəmadi olaraq, müayinələrə gedirəm. 7 ildir ki, bu xəstəliklə mübarizə aparıram. Hələ ki, babatam, hər şey Allahın əlindədir. Nə vaxta qədər ömür yazıbsa, o vaxta qədər yaşayacağam”. Əməkdar artist səhnəyə qayıtmayacağını da deyib: “42 il səhnədə can qoydum, indi xəstəliyimlə bağlı səhnəyə çıxmıram. Heç səhnəyə çıxmaq fikrim də yoxdur, çünki səhhətimi qorumalıyam, indi o halda deyiləm. Onu da deyim ki, Bakıda sənət dostum Telman Əliyevin və gözəl sənətkarımız Qəndab Quliyevanın ölüm xəbərini eşidib, çox sarsıldım”. Qeyd edək ki, Kubra Əliyeva xərçəng xəstəliyindən əziyyət çəkir. Mənbə: Yeniçağ
