Metroda baş verən intihar hadisəsinin əsl VİDEOsu

8 yanvar tarixində axşam saatlarında metroda intihar hadisəsi baş verib. Gəncə şəhər sakini, 1995-ci il təvəllüdlü Mustafazadə Rəşad Əlixan oğlu qatar "Ulduz" stansiyasına daxil olarkən özünü relslərin üzərinə atıb.

GoldNews.az xəbər verir ki, hadisə baş verdikdən sonra bəzi saytlar həmin ana aid olduğu deyilən, əslində isə 3 il əvvəl "Ulduz" stansiyasında baş verən intiharın videosunu yayıblar. Lakin "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayevin verdiyi məlumata görə, hadisə baş verən vaxt tuneldə 15 nömrəli yeni qatar olub.

Hadisə nəticəsində həmin istiqamətdə qatarların hərəkətində 20 dəqiqəlik fasilə yaranıb. Ölən şəxsin meyiti relslərin üzərindən çıxarıldıqdan sonra qatarların hərəkəti bərpa olub.//Milli.az