Əlil qadının pensiya kartı oğurlanıb, hesabındakı pulu çıxardılar - Cəlilabadda iyrənc olay - VİDEO
Cəlilabad rayonun Sabirabad kənd sakini, birinci qrup əlil Leyla İmanovanın pensiya kartı evdən oğurlanıb.
GoldNews.Az-ın məlumatına görə, xəstənin yaxınları onun şəxsiyyət vəsiqəsi ilə bankdan pulu almaq istədikdə məlum olub ki, bir neçə saat əvvəl 310 manat məbləğində nəğd pul artıq kartın balansından çıxarılıb.
Zərəçəkmişin yaxınlarının sözlərinə görə, pensiya kartı evə daxil olan naməlum şəxs və ya şəxslər tərəfindən oğurlanıb. Hadisə ilə bağlı polisə məlumat verilib.
Tovuzda isə tövlədən inəklər ogurlanıb. Hacıalılı kənd sakini Müşfiq Tağıyevin tövləsindən iki baş heyvan yoxa çıxıb. Ev sahibinin dediyinə görə, axşam heyvanların hamısı yerində olub. Səhər açılanda isə iki baş iribuynuzlu mal-qaranın oğurlandığını görüb.
Təsərrüfat sahibi bu barədə Tovuz polisinə məlumat verib. Faktla bağlı araşdırma aparılır.
Xezerxeber.az mövzu ilə bağlı daha ətraflı videomaterialı təqdim edir:
