Düşmən "cəhənnəm alovu"na bu silahlarla qərq ediləcək- Rusiyadan gətirilən silahların SİYAHISI - FOTOLAR

A24.Az Müdafiə Nazirliyinin yaydığı məlumata istinadən xəbər verir ki, Bakı limanına artilleriya və raket sistemləri üçün gətirilən çoxlu sayda mərmilər, raketlər və digər hərbi-texniki əmlak düşmənin döyüş vasitələrinin, mühəndis-istehkam qurğularının, canlı qüvvəsinin və geniş ərazidə obyektlərinin dəqiq zərbə ilə məhv edilməsi üçün nəzərdə tutulub.

İki ölkə arasında hərbi-texniki əməkdaşlığa əsasən və Müdafiə Nazirliyinin rəsmi saytında göstərilən video və fotolardan da məlum olur ki, Rusiyadan ölkəmizə bu dəfə gətirilən döyüş sursatı TOS-1A “Solntsepyok” ağır reaktiv odsaçan sisteminin raketləridir. Raketlərin taktiki-texniki xüsusiyyətləri bunlardır: 220 mm çaplı raketin kütləsi 217 kq-dır. Raketin uzunluğu 3723 metrdir. Atış məsafəsi maksimal 6 km, minimum isə 1.6 km təşkil edir. Qeyd edək ki, Azərbaycan Ordusunun arsenalında 2010-ci ildən yer alan “cəhənnəm silahı”ndan (“TOS-1A” “Solntsepyok” ağır reaktiv odsaçanlardan) ilk dəfə Silahlı Qüvvələrimiz 2016-cı ilin “aprel savaşı”nda istifadə edib.