İçki içdiklərinə görə 81 qadını əvvəl zorladı, sonra öldürdü - Rusiya tarixinin ən dəhşətli qatili

"İçki içən qadın pisdir" deyən qatil 81 sərxoş qadının həyatına son verib.

GoldNews.Az xəbər verir ki, Rusiyanın Sibir bölgəsindəki Anqarsk şəhərində yaşayan, 81 qadını öldürdüyünü və bir çoxuna təcavüz etdiyini etiraf edən polis məmuru Mixail Popkovun məhkəməsi başlayıb. Törətdiyi cinayətlərin bir qismi 2012-ci ildə ortaya çıxan evli və uşaq sahibi cinayətkar 2015-ci ildə 22 qadını öldürməkdən ömürlük həbs cəzasına məhkum edilib.

Ancaq Anqarsk ətrafındakı digər cinayət və təcavüz hallarını araşdırdıqda başqa bir çox hadisədə də Popkovun əlaqəsi olduğu ortaya çıxıb. Rus mətbuatında "Canavar adam" və "Anqarsk manyakı" ləqəbləri ilə anılan 53 yaşındakı cani 59 cinayət daha işlədiyini etiraf edib. Cinayətkarın qurbanlarının yaşlarının 16 ilə 40 arasında dəyişdiyi və hamısının qadın olduğu qeyd edilib. Rusiya mediasında çıxan xəbərlərdə qatilin polis paltarında qadınlara yaxınlaşdığı, ona inanan qadınları kimsəsiz bir yerə apardıqdan sonra təcavüz və işgəncəylə öldürdüyü bildirilib. O, cəsədlərini soyaraq meşəyə atıb.

Hal-hazırda həbsdə olan Popkov yeni prosesdə 59 cinayətdən daha günahkar olduğu sübut olunsa, Rusiya tarixinin ən dəhşətli cinayətkarı kimi tarixə keçəcək.