Qalmaqal! Yardım təşkilatının əməkdaşları zəlzələdən zərərçəkənlərlə pul qarşılığı cinsi əlaqəyə girdi
"Times" qəzetinin verdiyi məlumata görə, ingilis yardım təşkilatı "Oxfam"ın əməkdaşları 2010-cu ildəki Haiti zəlzələsindən xilas olan qadınlarla pul qarşılığı cinsi əlaqəyə giriblər.
GoldNews.Az xəbər verir ki, "Oxfam"ın cinsi istimar, təhdid iddialarına dair apardığı araşdırmadan sonra üç nəfər istefa verib, dörd nəfər isə işdən uzaqlaşdırılıb.
"Times" qəzetinin ələ keçirdiyi istintaq hesabatına görə, Haitidəki bəzi yardım işçilərinə cəza verilməyib. Hesabatda cinsi əlaqəyə girən qadınların 18 yaşından kiçik olma ehtimalı da yer alıb.
Cəza almadan istefa verməsinə icazə verilən şəxslərdən birinin "Oxfam"ın ölkədəki Roland van Hauvermeiren adlı müdiri olduğu qeyd edilir. 68 yaşlı Roland Van Hauvermeirenin təşkilat tərəfindən ev olaraq özünə təsis edilən villada həyat qadınlarıyla birlikdə olduğu bildirilir.
