Bakıda “Yelena” ləqəbli kişi 6 min manat oğurladı

Bakıda oğurluq etmiş cinsi azlıq nümayəndələri tutulub.

GoldNews.Az lent.az-a istinadən xəbər verir ki, Bakı şəhər sakini, Zərifə Əliyeva küç., 28 ünvanındakı mənzildə yaşayan 1995-ci il təvəllüdlü Aytən Vahabova (ad şərtidir) polisə müraciət edərək bildirib ki, iyulun 20-də gecə saatlarında cinsi azlıq nümayəndəsi olan Elşad adlı ("Yelena" ləqəbli) tanışı onun evindən xeyli qızıl oğurlayıb.

Səbail rayon Polis İdarəsinin 39-cu Polis Bölməsinin əməkdaşlarının həyata keçirdiyi əməliyyat tədbirləri nəticəsində oğurluqda həmin şəxsin iştirakı təsdiqini tapıb. Məlum olub ki, "Yelena" ləqəbli həmin şəxs digər cinsi azlıq nümayəndəsi olan Qismət adlı şəxslə birgə mənzildən 6 min manatlıq qızıl oğurlayıb. Onlar etiraf ediblər ki, 22 yaşlı Aytənin evindən mart ayından etibarən nəzərə çarpdırmadan müxtəlif qızıl əşyalarını oğurlayıblar.

Faktla bağlı araşdırmalar davam etdirilir.