Azərbaycan Ordusunun “SPİKE”ları – Düşməni vahiməyə salan raketin parametrləri – VİDEO – FOTOLAR

Erməni mətbuatı fevralın sonu, martın əvvəllərində təşvişlə Azərbaycan ordusunun balansında olan “SPİKE” silahından yazırdı. Hətta iş o yerə çatmışdı ki, düşmən KİV-ləri Azərbaycan ordusunun onların texnikasını məhz bu silahla vurğunu iddia edirdilər. Elə bu iddiaya Azərbaycan Müdafiə Nazirliyinin cavabı da gecikməmişdi və Xocavənd istiqamətində qoşunlarımız tərəfindən Ermənistan silahlı qüvvələrinə qarşı SPIKE tipli tank əleyhinə idarə olunan raketin tətbiq edilməsi barədə erməni mətbuatının yaydığı məlumata münasibət bildirilmişdi.

Nazirlik GoldNews.Az-ın sorğusuna cavab olaraq bildirmişdi ki, hərbçilərimiz qoşunlarımızın sərəncamında olan istənilən ən müasir silahlardan bütün cəbhə boyu istifadə etmək hüququna malikdir və düşmənin fəaliyyətinin qarşısını almaq imkanındadır.

Bəs ermənilərin gözünün odunu alan bu silah nədir və hansı xüsusiyyətlərə malikdir?

“SPİKE” ən müasir tank əleyhinə idarəolunan raketdir. İsrailin “Rafael” şirkəti tərəfindən hazırlanan “Spike” (“Tikan”) raket ailəsinin ümumi adıdır. “Spike NLOS” (Non-Line Of Sight – “Üfüqün arxasında”). Adından da məlum olduğu kimi bu raket daha uzaq məsafədə yerləşən hədəfləri məhv etmək üçün nəzərdə tutulub.

Başlanğıc çəkisi 75 kiloqrama çatır, uzunluğu isə 1,5 m-dən çoxdur. Bu qabaritlər raketi uçuşun məsafəsini 25 km-a çatdıran, bərk yanacaqlı mühərrik ilə təchiz etməyə imkan verir.

“Spike” ailəsindən olan tank əleyhinə komplekslər geniş yayılıb. Bu silah İsrail və bir sıra başqa ölkələrin hərbçilərinin marağına səbəb olub. 90-cı illərin sonlarından “Spike-SR”, “Spike-MR” və “Spike-LR” sistemləri Azərbaycan, Belçika, Almaniya, İtaliya, Peru, Çili və digər Avropa və Cənubi Amerika ölkələrinə çatdırılır.

Qeyri dəqiq məlumata görə, hazırda Azərbaycanın Quru Qoşunlarının arsenalında 400 ədəd “Spike” raketi var.

Mənbə:A24.Az

Qeyd: Azərbaycan ordusunun arsenalında olan xüsusiyyətləri barədə araşdırmalar mütəmadi olaraq oxuculara təqdim ediləcək...