Azərbaycan filmindəki 18+ səhnələr qalmaqala səbəb oldu - VİDEO
Bir çox beynəlxalq müsabiqələrdə qalib olan "Axınla aşağı" filmindəki açıq-saçıq səhnələr sosial mediada müzakirələrə səbəb olub.
GoldNews.az xəbər verir ki, film 2014-cü ildə çəkilsə də, ekran işindəki açıq-saçıq görüntülər bu gün sosial mediada geniş müzakirə olunub.
Qeyd edək ki, "Axınla aşağı" filmi rejissor Asif Rüstəmov tərəfindən 2014-cü ildə ekranlaşdırılıb. Film Azərbaycan Respublikası Mədəniyyət və Turizm Nazirliyinin sifarişi ilə Cəfər Cabbarlı adına "Azərbaycanfilm" kinostudiyasında istehsal edilib. Əli əyalət şəhərində yaşayan avarçəkmə müəllimidir. O, nə həyat yoldaşı ilə, nə də yeniyetmə oğlu ilə yola gedir. Onunla birgə çalışan polşalı qadın sevgilisi (Aleksandra Andreyevska) ona birlikdə xaricə getməyi təklif edir. Lakin Əlinin ailəsində faciə baş verir. Filmdə əsas rolları Namiq Ağayev, Mehriban Zəki, Aleksandra Andreyevska, Elmin İmamverdiyev, Teymur Məmmədov, Ülvi Paşabəyli, Gülşad Baxşıyeva, Telman Əliyev, Pərviz Bağırov və Eldar Bağırbəyov ifa edirlər.
