Niyə növbədənkənar prezident seçkilərinə gedildi? - HAKİMİYYƏT SƏBƏBİ AÇIQLADI

Azərbaycanda növbədənkənar prezident seçkilərinin keçirilməsinin səbəbi açıqlanıb.

Yeni Azərbaycan Partiyasının Siyasi Təhil və Proqnozlaşdırma şöbəsinin müdiri, deputat Aydın Mirzəzadə AzVision.az-a bildirib ki, ölkədə növbədənkənar prezident seçkilərinin təyin edilməsi Azərbaycanda bu il bir sıra mühüm dövlət tədbirlərinin eyni vaxtda keçirilməsi ilə bağlıdır.

Deputat qeyd edib ki, bu il həm prezident seçkiləri ilidir, eyni zamanda Azərbaycan Xalq Cümhuriyyətinin yaranmasının 100 illiyidir.

“Nəzərə alaq ki, bu il həm də Azərbaycan Parlamentinin və Silahlı Qüvvələrinin yaranmasının, Azərbayca dövlət bayrağının qəbul edilməsinin 100 illiyidir. Bu baxımdan Azərbaycan cəmiyyəti bu il həm seçkilər keçirməli, həm də bu yubileyləri yüksək səviyyədə keçirməklə müstəqilliyə layiq olduğunu, Azərbaycan Xalq Cümhuriyyətinin həm Azərbaycan xalqının, həm də dünya tarixinin şanlı səhifə olduğunu göstərməlidir”