Amerika vətəndaşlarına İrana səyahətlə bağlı XƏBƏRDARLIQ ETDİ - "Həbs olunacaqsınız!"
Amerikanın Xarici İşlər Nazirliyi ölkədə yaşayan vətəndaşlara müraciət ünvanlayıb.
GoldNews.Az xəbər verir ki, nazirlik həbs olunma və nəzarət altına alınma risklərini nəzərə alaraq amerikalılara sözügedən ölkəyə səfər edərkən diqqətli olmalarını bildirib: "Əvvəla, Amerika və İrana ikili vətəndaşlığı olan şəxslər başqa olmaqla, Amerika vətəndaşları İranda həbs olunma və nəzarət altına alınma riskiylə qarşı-qarşıyadır".
Açıqlamada mümkün səyahətlərin ertələnməsi məsləhət görülüb. Əlavə edilib ki, İranda amerikalılar haqsız yerə nəzarət altına alınır.
Həmçinin, Amerikanın İran ilə birbaşa diplomatik və konsulluq münasibətlərinin olmadığına diqqət çəkilib. İsveçrənin Tehran səfirliyinin Amerika vətəndaşlarının hüquqlarını qoruduğu ifadə edilib.
