15 yaşlı QİÇS xəstəsi qızın dəhşətli etirafları

İmmun çatışmazlığı sindromu (QİÇS) xəstəliyinin qurbanları günü-gündən artır.

GoldNews.Az xəbər verir ki, dünya miqyasında 15-19 yaş aralığında hər saatda 29 uşaq bu xəstəliyə yoluxur.

1999-cu ildə anadan olan yeniyetmə K.A. 13 oktyabrda QİÇS xəstəsi olduğunu öyrənib. 13-14 yaşlarında cinsi aktivliyinin fərqinə varan bu gənc qarın ağrıları səbəbi ilə həkimə müraciət edib. Qan analizlərinin nəticəsində ortaya çıxıb ki, yeniyetmə QİÇS xəstəliyinin daşıyıcısıdır.

Universitetə hazırlaşan K.A. bu çətin periodda yaşadıqlarını danışıb: "Bu müddətdə çox tükəndim. Çünki tək qaynaq internet idi. Hansı saytda xəstəlik haqqında məlumat oxusam, görürdüm ki, hamısı ömür biçir. Kaş, orta məktəbdə cinsi münasibətlə bağlı dərslər alsaydım".

K.A. təxminən 1 ay sonra ailəsinə xəstəliklə bağlı narahatlıqlarını açaraq danışıb. Yeniyetmə bildirib ki, artıq ailəsi onun xəstəliyini öyrəndikdən sonra evdə boşqabı, çəngəli, qaşığı ayrılıb. Ailəsi onunla eyni məkanda olmaqdan yayınıb. Orta məktəb müəllimlərindən biri ona bildirib ki, bu xəstəliyin daşıyıcısı olduğunu maksimum şəkildə az insana bildirməlidir.

K.A. bildirib ki, QİÇS daşıyıcısı olsa da, internet platformasında özünə partnyor tapmaqda çətinlik çəkməyib: "Tanışlıqdan sonra iki partnyorum oldu. Birinə QİÇS xəstəsi olduğumu danışdım, digərinə danışmadım. Qorunduğum və risk almaq istəmədiyim üçün bildirmədim".

K.A. bildirib ki, hazırki dövrdə kişilərin cinsi münasibətə başlamaq yaşı 14-15-dir:

"Qadınlarda bakirəlik, cəmiyyət təzyiqi hələ də var və daha gənc yaşlarda başlayır. Ən böyük əksikliklərdən biri də təhsil mərkəzlərində cinsi təlimin verilməməsidir. Sadəcə biologiya dərsində çoxalmaq haqqında danışılır, amma daha artığı yoxdur. Cinsi yolla keçən xəstəliklərdən qorunmanın heç kim fərqində deyil. Cinsi münasibəti danışırıq, amma qorunmanı yox. 18 yaşın altında bu xəstəliyi daşıyan 2 nəfəri də tanıyıram".

Mütəxəsislərin fikrincə, artıq yeniyetmələrin gənc yaşda cinsi münasibətdə aktivləşməsi bu xəstəliyi də cavanlaşdırıb. Əsas səbəb isə qorunmamaqdır. Xüsusilə, pul qarşılığında cinsi münsaibətə girən şəxslər qoruyucudan istifadə etmirlər.