"Youtube"dan necə pul qazana bilərik? - 7 qızıl qayda - MÜTLƏQ OXUYUN!

Hər bir şəxs "Youtube" də pul qazanmağın sirlərini öyrənmək istəyir. Müasir dövrdə hər bir insanı maraqlandıran suallardan biri də budur: Bu sosial şəbəkədən necə qazana bilərəm?

GoldNews.Az "Youtube"da pul qazanmağın 7 yolunu araşdırıb, sizə təqdim edir.

1. Qeydiyyat və təsdiqləmə

Bunun üçün "Google"da qeydiyyatdan keçin, bundan sonra "Google"un bütün xidmətlərindən: "Gmail", "Youtube", "Google drive" və sairə istifadə edə biləcəksiniz. Daha sonra "Youtebe"da kanal yaratmalısınız və onu aktiv etmək üçün telefon nömrənizi yazaraq, səsli zəng və yaxud sms ilə təsdiqləmə kodu alacaqsınız. Təsdiqləmə bitdikdən sonra kanalın adının altında "Youtube" tərəfdaşı deyə bir söz yazılacaq. Bu da onu göstərir ki, artıq siz kanaldan istifadə edə bilərsiniz.

2. Monetizasiya

Hər bir "Youtube" kanalında pul qazanmaq mümkündür, bunun üçün əvvəlcə, monetizasiyanı , yəni "Google"un sizin çıxardığınız reklamalara icazə üsulunu aktiv etmək lazımdır. Bununla artıq siz öz videolarınızı dövriyyəyə buraxaraq gəlir götürə bilərsiniz.

3. Açar sözlər

Açar sözlər nəinki "Youtube"da, ümumiyyətlə internet dünyasında ən vacib məqamlardan biridir. Kanalınıza bir video yüklədikdə, mütləq açar sözlər əlavə etməlisiniz. Məsələn, videonuz İkinci dünya müharibəsi haqqındadırsa, mövzuya uyğun bütün açar sözləri əlavə etmək lazımdır. Çünki "Yotube"da və yaxud digər mənbələrdə axtarış edərkən sizin videonun adını yox, açar sözlər yazırlar. Məsələn, İkinci dünya müharibəsi, Hitler, 1941 və yaxud 1945 və sair. Əgər siz uzaqgörənlik edib doğru açar söz yazsanız, mütləq axtarış edənlərin 80%-i sizin videonu tapacaqdır.

4. Google Adsense

"Youtube"da pul qazandıqdan sonra onu çıxartmağın müxtəlif yolları vardır. Qazandığınız pulun 100%-i sizin olmur. Bu qazancdan özlərinə pay götürən şirkətlər mütləq var. Bunlardan biri də "Google adsense"dir. Bu sistem sizin bir növ bank rolunuzu oynayır. Qazandığınız pullar "Adsense" hesabınızda toplanır. Sonda isə icazə verilən maksimum limitlə pulunuzu çəkib öz bank hesabınıza köçürə bilərsiniz.

5. Youtube partnyorları (MCN-Multi Channel Networks)

Bu şirkətlər "Youtube"da rəsmi olaraq MCN qeydiyyatından keçiblər və kanallarla əməkdaşlıq edirlər. Ayın sonunda isə gəlirin 30%-ni öz hesablarına götürürlər. Çünki MCN şirkətləri sizin kanallarınızı öz öhdəliyinə götürür, qoruyur, əgər sizin "Youtube" kanalınızda bir probleminiz yaransa, dərhal sizin probleminiz ilə maraqlanır və yardım göstərir. Belə deyək: siz özünüz probleminizin həlli üçün "Youtube"a müraciət etsəniz, cavab almayacaqsınız. Lakin MCN şirkətlər sizin probleminizi birbaşa "Youtube"a bildirir və probleminiz həll olunur. Məsələn, sizin kanalda spam formasında yüzlərlə, minlərlə şikayət edirlər, kanalınız da bloka düşüb. Bunu siz çox çətinliklə həll edə bilərsiniz. Lakin bu haqda MCN şirkətlərinə müraciət edərək qısa zamanda problemi həll etmiş olacaqsınız. MCN şirkətləri əlavə olaraq, kanalları inkişaf etdirir. Onlara müəllifi pozulmamış musiqilər təklif edir və bunun qarşılığında 30% gəliri özünə götürür. Azərbaycanda ən çox istifadə olunan MCN şirkətlər "Gizza", "WediaCorp", "Buzzmyvideo" və sair.

6. "Youtube"da daha çox gəlir əldə etmək

Bunun üçün videolarınızı xarici dillərdə hazırlamalısınız. Lakin hər hansısa bir xarici dili bilməniz şərt deyil, məsələn, internetdən hər hansısa bir sayta daxil olun və burdakı məlumatları, şəkilləri montaj edib hazırlayın, yükləyin "Youtube"a, adını ingiliscə qoyun, videonun dilini ingilis dili seçin, videonun yükləndiyi ərazini, məsələn, Las-Veqas olaraq qeyd edin. Açar sözlər, kanalın adı, kanal haqqında olan bölgə, cover+profil şəkli ingilis dilində, bir sözlə hər şey ingilis dilində olmalıdır. Daha sonra özünüz fərqi görəcəksiniz. Qarşılarına ABŞ-ın reklamı çıxacaq. Beləcə ABŞ-da ən azı hər "klik"ə görə 23 sent qazana biləcəksiniz.

7. Qazandığım pulu necə əldə etmək olar?

Əgər siz "Google adsens"lə çalışırsınızsa, pulunuz bank kartınıza köçürülür, yox əgər siz MCN şirkətləri ilə əməkdaşlıq edirsinizsə, onda pul almaq üçün müxtəlif yollar var. Məsələn, Skrill, Yandexmoney, Paypal, bank kartı və sair, lakin bunlardan ən yaxşısı "Web money"dir. Çünki qazandığınız minimum 1 dollar olsa belə, onu öz hesabınıza köçürə bilərsiniz. Daha sonra gəlirinizi "Portmanat" pul vasitəsilə də əldə edə bilərsiniz. Əgər gəliriniz 10 dolları keçibsə, onu bank kartınıza da köçürə bilərsiniz.