Məşhur rejissor haqqında ittiham: Sevişmə səhnəsi üçün...
Məşhur rejissor filmdə çəkdiyi sevişmə səhnəsi ucbatından hakim qarşısına çıxarılıb.
GoldNews.Az xəbər verir ki, 2012-ci ildə “Pieta” filmi ilə Venesiya Film Festivalında Qızıl Aslan, həmin il “Samaratian Girl” (Fədakar qız) filmi ilə Gümüş Ayı qazanan Kim Kiduk 2013-cü ildə “Moebius” adlı filminin çəkilişləri zamanı adı açıqlanmayan bir qadın aktrisaya zor tətbiq etməkdə günahlandırılıb.
Xəbər agentliyinin bildirdiyinə görə, qadın aktyor rejissorun ona şillə vurmaqla, alçaltmaqla və ssenaridə əvvəlcədən yer almayan zorakılığın da olduğu bir sevişmə səhnəsində oynamağa məcbur etməkdə günahlandırıb.
Şillə vurduğum doğrudur, ancaq...
Məşhur rejissorun prodüserləri ittihamları rədd edib və daha sonra ətraflı açıqlama verəcəklərini söyləyiblər.
Digər bir mətbuat orqanına danışan prodüser isə söyləyib ki, döymə hadisəsi düzgündür, ancaq bu, bir təcavüz səhnəsi üçün verilən göstərişlərin bir parçası olub.
