Lionel Messi altıncı dəfə dünya çempionatına qatılır

Argentina futbol tarixinin ən uğurlu adlarından biri olan Lionel Messi karyerasının altıncı dünya çempionatında iştirak edəcək. 38 yaşlı hücumçu DÇ-2026-nın yekun heyətinə salınıb və yenidən komandasına kapitanlıq edəcək.

DÇ-2026-da Messi yenidən səhnədə

Messi indiyədək 2006, 2010, 2014, 2018 və 2022-ci illərdə keçirilən mundiallarda iştirak edib. Son turnirdə isə Argentina millisi ilə dünya çempionluğuna yüksəlib.

Argentina millisi hansı rəqiblərlə qarşılaşacaq?

Futbol üzrə DÇ-2026 iyunun 11-dən iyulun 19-dək ABŞ, Kanada və Meksikada baş tutacaq. Argentina qrupu mərhələsində Əlcəzair, Avstriya və İordaniya yığmaları ilə mübarizə aparacaq.

Messinin altıncı mundialda göstərəcəyi performans futbolsevərlərin əsas maraq nöqtələrindən biri olacaq.