Azərbaycan minifutbol millisi Avropa çempionatına qələbə ilə başladı

Azərbaycan minifutbol millisi Bratislavada start götürən Avropa çempionatında uğurlu başlanğıc edib. Elşad Quliyevin rəhbərlik etdiyi kollektiv ilk turda Avstriya komandası ilə qarşılaşıb.

Tipos Arena stadionunda keçirilən görüşdə yığmamız 1:0 hesabı ilə qələbə qazanıb. Oyunun taleyini 36-cı dəqiqədə İsa Atayevin vurduğu yeganə qol həll edib.

Minifutbol millisi növbəti oyunlara hazırlaşır

Qrup mərhələsinin davamında Azərbaycan mayın 29-da İtaliya, mayın 30-da isə Fransa ilə qarşılaşacaq. Komanda növbəti oyunlarda da uğur seriyasını davam etdirməyə iddialıdır.