Azərbaycan minifutbol millisi İtaliya ilə həlledici oyuna çıxır

Minifutbol üzrə Azərbaycan milli komandası bu gün Slovakiyada keçirilən AVRO-2026 turnirinin F qrupunda ikinci matçına çıxacaq. Elşad Quliyevin başçılıq etdiyi kollektiv İtaliya ilə qarşılaşacaq.

Azərbaycan minifutbol millisi İtaliya ilə üz-üzə gəlir

Görüş Bakı vaxtı ilə saat 17:45-də start götürəcək. Azərbaycan komandası ilk turda Avstriya yığmasına minimal hesabla qalib gəlib – 1:0. İtaliya isə debüt oyununda Fransa ilə qolsuz bərabərə qalıb.

Qrup mərhələsində növbəti sınaq

Azərbaycan millisi qrupdakı növbəti matçını mayın 30-da Fransa ilə keçirəcək. Qeyd edək ki, yığmamız 2022-ci ildə minifutbol üzrə Avropa çempionu adını qazanıb.