Gənc oğlan oyunun qurbanı oldu - 20 saat yerindən qalxmayıb
Oyun oynayan gənc 20 saat yerindən qalxmayıb və nəticədə iflic olub.
GoldNews.Az xəbər verir ki, hadisə Çində yerləşən kafelərin birində baş verib. Adı açıqlanmayan gəncin 20 saat ərzində internet kafedə yerindən qalxmadan oyun oynadığı qeyd olunub.
Dostları tərəfindən çağırılan təcili tibbi yardım maşını ilə xəstəxanaya aparılan şəxsin iflic vəziyyətinin daimi olub-olmadığı hələ məlum deyil. 20 saat ərzində yerindən qalxmayan gəncin bədənindəki sinirlərinə zərər verdiyi güman edilir.
Hələ də müalicə altında olan çinlinin oyuna olan həddindən artıq bağlılığı onu bu hala salıb.
Qeyd edək ki, 2015-ci ildə də 32 yaşlı tayvanlı gənc də internet kafedə 3 gün ərzində oyun oynadıqdan sonra ölü olaraq tapılıb. Ölüm səbəbi isə yorğunluğa bağlı infarkt olub.
