Dostu gənci ürəyindən bıçaqladı — Bakıda 20 yaşlı oğlan zarafatın qurbanı oldu

Bakının Binəqədi rayonunda iki dostun zarafatı ölümlə nəticələnib. GoldNews.Az xəbər verir ki, hadisə dekabrın 20-da, saat 23 radələrində Binəqədi rayonunun "28 may” qəsəbəsində qeydə alınıb. Qəsəbə sakini, 20 yaşlı Çingiz Ramiz oğlu Qədirli tanışı tərəfindən bıçaqlanıb. Yaralı xəstəxanaya aparılarkən yolda ölüb.

Binəqədi rayon 40-cı polis bölməsinin əməkdaşları hadisəni törədəni saxlayıblar. İlkin məlumata görə, saxlanılan şəxs içkili olub. O, tanışı ilə zarafat edərkən bıçaq onun ürəyinə sancılıb. Ölümcül bıçaq yarası alan Çingiz Qədirlinin həyatını xilas etmək mümkün olmayıb.

Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.