Gənc oğlan sevgilisini furqonla əzdi

Əsəbi gənc mübahisə zamanı sevgilisini furqonla əzib.

GoldNews.Az xəbər verir ki, hadisə Çukurova rayonundakı Gözəlyalı məhəlləsində baş verib. Məlumata əsasən, daha əvvəl iki televiziya kanalında müsabiqədə iştirak edən və ən son qatıldığı yemək proqramında birinci olan Çukurova Universitetinin tələbəsi 23 yaşlı Ece Çelik Adanada sevgilisi İbrahim D.-nin furqonu ilə gəzməyə çıxıb.

Ancaq bir müddətdən sonra Ece yoldaşlarını zəng vuraraq yerləşdiyi ünvanı bildirib və "gəlin, məni aparın" deyə xahiş edib. Buna görə də Ecenin keçmiş sevgilisi Hüseyn A. və digər yoldaşları qızı aparmağa gəlib. Ece maşından enmək istəyib, ancaq sevgilisi buna imkan verməyib. Bir müddət yaşanan mübahisədən sonra gənc qız zorla maşından düşüb. Bunun üzərinə əsəbləşən İbrahim D. hadisə yerindən sürətlə uzaqlaşıb. Ancaq qısa müddət sonra çox sürətli bir şəkildə hadisə yerinə gələn İbrahim D. Ecə və Hüseyn A.-nı furqonla vurub.

İbrahim D. hadisə yerindən qaçmaq istəyərkən də Ecenin üstündən keçib. Hadisədən sonra xəstəxanaya aparılan gənc qızın vəziyyəti ağırdır. Beynindən əməliyyat olan Ece 17 gündür ki, reanimasiyadadır. Həkimlər tərəfindən gənc qızın şikəst olacağı bildirilib. Digər yaralı Hüseyn A.-nın isə yüngül xəsarət aldığı söylənilib.

Polis hadisədən sonra təhqiqata başlayıb. Sevgilisini vuran və qızın keçmiş sevgilisini də yaralayan İbrahim D. hadisədən 5 gün sonra tutulub. O söyləyib ki, mən sevgilimə vurmaq istəmirdim. İbrahim D. sorğudan sonra sərbəst buraxılıb.