“Minyon” görünüşlü xanımlara məsləhət görülən geyimlər -ARAŞDIRMA
Siz də əgər minyon tipli xanımların sahib olduğu bədən ölçülərinə sahibsinizsə, geyim seçərkən diqqətli olmalısınız. Elə bəzək və geyim əşyaları seçə bilərsiniz ki, bu zaman hamını özünüzə heyran qoya bilərsiniz.
GoldNews.Az “minyon” qadınlara məsləhət görülən geyimləri təqdim edir. İncə bədən quruluşuna sahib olan minyon qadınlar bədən tipinə görə şanslı sayılsalar da, geyimlərini seçərkən diqqətli olmalıdırlar. Minyon qadınlara məsləhət görülən geyimlər:
İki rəngli geyimlər tam sizə görədir
Minyon tip xanımsınızsa, geyiminizdə ya bir, ya da iki rəngdən istifadə edə bilərsiniz. Bədəninizə uyğun uzun və iri naxışlar yerinə, daha kiçik naxışlı geyimlərə üstünlük verməlisiniz.
Uzun paltarları diqqətli seçin
Uzun paltar seçərkən bədəninizin ölçülərini nəzərə almalı və boynu açıq paltarlar geyinməlisiniz. Tamam qapalı olan uzun paltarlar isə sizi olduğunuzdan qısa göstərir.
Böyük çantalara əlvida deyin
Minyon cizgilərə sahibsinizsə, böyük çantalardan uzaq durmalısınız. Onların əvəzinə orta boylu, yaxud kiçik əl çantalarından istifadə edə bilərsiniz. Kiçik, arxa çiyinli çantalar da sizin üçün alternativ ola bilər.
Kiçik bəzək əşyalarına üstünlük verilməli
Uzun sırğalar və boyunbağılar sizi olduğunuzdan balaca göstərir. Buna görə də bəzək əşyalarının içində itmək istəmirsinizsə, daha balaca bəzək əşyalarına üstünlük verməlisiniz və bu zaman daha gözəl görünəcəksiniz.
Biləkli ayaqqabılardan uzaq durun
Biləkli ayaqqabı modelləri sizin ayaq boyunuzu daha qısa göstərir. Buna görə də ön tərəfi açıq ayaqqabılara üstünlük verin.
Geniş balaqlı şalvarlara üstünlük verin
Geniş balaqlı şalvarlar sizə daha çox yaraşacaq və sizin boyunuzu daha uzun göstərəcək.
V yaxalı köynəklərə üstünlük verin
Boğaz qismi qapalı olan köynəklər yerinə, V yaxalı köynəkər geyinin.
Qısa ətəklər sizə görədir
Qısa ətəklərə daha çox üstünlük verməlisiniz. Yüksək belli ətəklər sizi daha cəlbedici göstərəcək.
Dar paltarları çəkinmədən geyinə bilərsiniz
Minyon bədən tipinə malik xanımlar dar paltarları rahatlıqla geyinə bilərlər. Belə dar və dizdən yuxarı paltarlar sizi daha modern və zərif göstərəcək.
Saçlarınızda orta boy kəsimə üstünlük verin
Uzun saçlar sizə görə deyil. Onun əvəzinə orta boy saçlara sahib olmalısınız.
