Qız şagirdinə verdiyi alt paltarı müəllimi "yandırdı" - "Mənim ölkəmdə bu normaldır"

İstanbulda orta məktəblərin birində biologiya müəllimi 11-ci sinif şagirdi olan 17 yaşlı qız şagirdləri C.E. və N.O.-nu laboratoriyaya çağıraraq, onlara içərisində bənövşəyi rəngdə alt paltarı olan paket verib.

GoldNews.Az xəbər verir ki, şagirdlər hadisəni öncə sinif rəhbərlərinə və daha sonra ailələrinə danışıb. Müəllim V.Ö. məhkəmədə verdiyi ifadədə hərəkətini belə dəyərləndirib: "Yeni ildə şagirdlərim mənə hədiyyə almışdı. Vaxtım olmadığı üçün xanımıma onlara hədiyyə almasını dedim. Həyat yoldaşım da bu hədiyyəni alıb. Aparıb-aparmamaq barəsində tərəddüt etsəm də, hədiyyəni qızlara verdim"

V.Ö.-nün xanımı N.Ö. ifadəsində ərinin dediklərini təsdiq edib. O əlavə edib ki, Rumıniya vətəndaşı olduğu üçün onların ölkəsində bu hal normal qarşılanır.

Məhkəmə V.Ö.-yə 1 illik hökm oxuyub.