Quru sabunun təhlükəsi nədir? - ARAŞDIRMA

Quru sabunlar mikrob yuvası imiş.

GoldNews.Az xəbər verir ki, evlərdə, iş yerlərində, cəmiyyətə açıq yerlərdə qəlib sabunlar istifadə olunmaqdadır, lakin mütəxəssilərin apardıqları araşdırmaya görə, bu cür sabunlar əslində bakteriya yuvasıdır.

Xüsusilə, cəmiyyətə açıq yerlərdə istifadə olunan quru sabunlar evdəkinə nəzərən daha çox mikroblu və təhlükəli ola bilər. İstifadə olunduqdan sonra islaq qalması bu sabunların üzərində mikropların çoxalmasına səbəb olur.

Sabun üzərində çoxalan bakteriyalar onu təmizlik vasitəsi olmaqdan çıxarır. Əllərini təmizləmək isəyənlərin əlinə isə daha çox bakteriya bulaşır. Bu səbəbdən mütəxəssislər quru sabun əvəzinə, evdə və xüsusilə iş yerlərində duru sabun istifadə edilməsini məsləhət bilirlər.

Duru sabunları da tamamilə təhlükəsiz hesab etmək olmaz. Bu qablaşdırmaların sabunu çıxarma mexanizminin toxunulan yerində bir müddət sonra mikrop və kir toplanmağa başlayır. Bu səbəblə, xüsusilə alış-veriş mərkəzləri başda olmaqla, cəmiyyətə açıq yerlərdə təmassız istifadə olunan, əlin yaxınlaşdırılması ilə sabun axan mexanizmlərdən istifadə olunmalıdır.