Azərbaycanın ən məşhur müğənnilərinin əsas ixtisasları nədir? - ARAŞDIRMA

Onlar da məşhur olmamışdan əvvəl sadə insanlar olublar. Bəziləri fərqli ixtisaslar üzrə universitet təhsili alıb, digərləri fərqli sənətlərlə məşğul olublar.

GoldNews.Az azərbaycanlı müğənnilərin əsl peşələrini araşdırıb sizə təqdim edir.

Təkcə Azərbaycanın sərhədlərində deyil, dünyada da məşhurlaşan Röya Ayxan 2004-cü ildə Bakı Dövlət Universitetinin Beynəlxalq hüquq fakültəsinə daxil olub, yəni səsinə heyran olduğumuz müğənni əslində hüquqşünasdır.

Nadir Qafarzadə Asəf Zeynallı adına Musiqi Kollecini “Opera” müğənnisi və musiqi müəllimliyi ixtisası üzrə bitirib. Lakin çətin həyat tərzi ucbatından bir müddət peraşki satıb.

Hamının pərəstiş etdiyi gözəl qadın Sevda Yəhyayevanın atası hərbiçi olub, lakin müharibədə aldığı xəsarətlər səbəbilə həyatını itirib. Müğənnin maddi vəziyyəti yaxşı olmayıb və buna görə də o, bir müddət şirniyyat satıcısı kimi işləyib.

Qardaş ölkəyə gəlin köçən müğənnimiz İradə İbrahimova hazırda iki uşaq anasıdır. O, Azərbaycan Milli Konservatoriyasının solooxuma fakültəsini bitirib. İlk təhsilini isə Azərbaycan Dillər Universitetində alıb.

Elçin Cəfərov Azərbaycan Dövlət və Mədəniyyət Universitetini bitirib. Müğənni 17 yaşında Türkiyədə ofisiant olaraq işləyib.

Hazırda əsrarəngiz görünüşü, yazdığı şeirləri ilə hamını təəccübləndirən Elza Seyidcahan müəllimə kimi işləyib.

2011-ci il “Eurovision” müsabiqəsinin qalibi Eldar Qasımov Slavyan Universitetinin Beynəlxalq münasibətlər fakültəsini bitirib. Alman dilini bildiyinə görə müğənni universitetdə oxuyanda Alman dilində dərs verib.

Elnarə Xəlilova ixtisasca filoloqdur.

Tünzalə Ağayeva Qəmbər Hüseynli adına Gəncə Musiqi Texnikumunda oxuyub.

Ədalət Şükürov Sankt-Peterburqun İncəsənət Akademiyasını bitirib və hazırda bu universitetin elmlər namizədidir.