Mədənçilər etiraz aksiyasını dayandırıb
Gürcüstanın Tkibuli şəhərindəki Dzidziquri adına mədəndə etiraz edən 25-ə yaxın şaxtaçı aksiyanı dayandırıb.
GoldNews.az “Report”un Gürcüstan bürosuna istinadan xəbər verir ki, mədən rəhbərliyi və Tkibuli meriyası şaxtaçıların tələblərini yerinə yetirəcəklərinə söz veriblər.
Tkibulidəki mədənlərdə istehsalat prosesi bərpa olunana qədər şaxtaçıların əmək haqları tam ödəniləcək. Mədənlərin fəaliyyəti isə dekabr ayından etibarən bərpa olunacaq.
Ötən gün Dzizdziquri mədəninə enən 25-ə yaxın şaxtaçı oradan çıxmayıb. Onlar 300 metr dərinlikdə qalaraq tələbləri yerinə yetirilməyənədək oradan çıxmayacaqlarını bildiriblər. Fəhlələr mədənlərdə istehsalat prosesinin dərhal bərpa olunması və təhlükəsizlik normalarının maksimum təmin olunmasını tələb edirdilər.
