Leyla Əliyeva bu dəfə də onu öz himayəsinə götürdü - FOTO

Heydər Əliyev fondunun vitse-prezidenti Leyla Əliyeva ötən gün IDEA Heyvanlara Qayğı Mərkəzində olub.

GoldNews.Az xəbər verir ki, ziyarət zamanı L.Əliyevanı iki oğlu və himayəsinə götürdüyü qızı Əminə də müşayət edib. Mərkəzdə saxlanılan 2 aylıq balaca pişik balası Əliyevanın diqqətini çəkib.

IDEA Heyvanlara Qayğı Mərkəzinin İnstaqram səhifəsində yerləşdirdiyi məlumata görə, dövlət başçısının qızı həmin pişiyi öz himayəsinə götürüb: "Qısa müddətdə yaranan qarşılıqlı simpatiyanın nəticəsi olaraq dərhal onu himayəyə götürməyi qərara alıb. Küçədə doğulmuş bu şirin pişik balasının keçmişi çətin olsa da, yeni sahibəsinin sayəsində gələcəyi xoşbəxt olacaq".