Cinsi təcavüzlərdən xilas edən üsullar

Əfsuslar olsun ki, son dövrlərdə ölkəmizdə təcavüzlə bağlı xəbərlər günbəgün artır. ABŞ-da isə vəziyyət daha mürəkkəbdir. ABŞ-da 98 saniyədə bir cinsi təcavüz hadisəsi baş verir. Bu vəziyyətin qarşısını almaq üçün MIT Media Lab. əməkdaşı Manisha Mohan həyat xilas edən bir üsul inkişaf etdirib.

GoldNews.Az xəbər verir ki, cinsi təcavüzlər qorxunc bir şəkildə artmağa davam edərkən dünyanın hər yerindən elm insanları bu gedişata dur demək üçün çalışırlar. Bu elm insanlarından biri də Manisha Mohandır. Gənc qadın bu gedişata dur demək üçün texnologiyanın son nemətlərindən faydalanıb.

Onun yaratdığı cihazın adı “İntrepid”dir. Cihaz çox balacadır, istifadəçinin hərəkətlərinə mane olmayacaq qədər kiçik ölçülüdür.

“İntrepid”i büstqalterin içinə taxıb rahat şəkildə istifadə edə bilərsiniz. Cihaza zorla müdaxilə edən zaman “Bluetooth” vasitəsi ilə sahibinin mobil telefonuna bir həyəcan siqnalı göndərir. Əgər istifadəçi hər şeyin yolunda olduğunu təsdiq etməsə, sistem daha əvvəl qeyd etdiyiniz 5 nömrəyə təhlükədə ola biləcəyinə dair xəbərdarlıq göndərir.

Sadəcə cinsi təcavüz üçün deyil!

Bu cihaz yalnız cinsi təcavüzlər üçün deyil, tez-tez istismara məruz qalan yaşlılar, uşaqlar və əlillər üçün də lazımlıdır.