Aprel ayında Azərbaycanda ən çox bu kitablar oxundu - STATİSTİKA

Sevindirici haldır ki, hər gün ölkəmizdə kitab oxuyucularının sayı durmadan artır.

GoldNews.Az olaraq bu dəfə sizə aprel ayı boyunca ölkədə ən çox oxunan 20 kitabın siyahısını təqdim edirik:

1. Varlı ata kasıb ata

Robert Kiosaki və Şeron Lektorun müştərək yazdığı bu kitab insanlara müasir həyatda yüksək rifah içində yaşamağın yollarını, varlanmağın sirlərini öyrədir. Müəlliflər öz təcrübələrini bölüşür, qanunları pozmadan necə var-dövlət qazanmağın mümkün prinsip və şərtlərini təhlil edirlər. Kitabdan çıxan başlıca nəticə odur ki, müasir dövrdə çox pul qazanmaq üçün çox işləməyə ehtiyac yoxdur, sadəcə, ağıllı olmaq, enerjini, biliyini, əlində olan vəsaiti düzgün paylaşdırmaq, səmərəli istifadə etməkdir. Bunun yolu maliyyə savadına malik olmaq, bazar konyukturasını öyrənib bilmək və təcrübədə tətbiq etməkdir. Söz yox ki, “Varlı ata, kasıb ata” kitabı öz həyatını firavanlıq içərisində keçirmək, var-dövlət toplamaq istəyənlər üçün faydalı kitabdır.

2.Qorxudan daha güclü hiss

Andreu Stilman “The New York Times” qəzetində məşhur jurnalistdir. Həyat yoldaşı ilə boşandıqdan və onun üçün hazırlanmış sui-qəsd hadisəsindən canını qurtardıqdan sonra həyatını qaydasına qoymağa çalışır. Nyu-York kitabxanalarından birinin oxu zalında, dövlətə xəyanətdə təqsirləndirilən nənəsinin günahsız olduğunu sübuta yetirməyə çalışan Suzi Baker adlı gənc bir xanımla tanış olur. Soyuq müharibə zamanı dövlətə məxsus gizli sənədləri, düşmən tərəfə keçirtməyə cəhd etdiyi üçün nənəsi haqqında edam qərarı çıxarılır. Amerikanın bəzi gizli qurumları işə qarışır. Andreu ilə Suzi çıxış yolunu Nyu-Yorkdan başqa bir yerə qaçmaqda görürlər və bu səyahət onları Arktikanın düz mərkəzinə aparıb çıxarır. Şübhə, nişanələr, ifşa və qətllər bir-birini əvəz edir.

3. Hər şey səninlə başlar

Şəxsi inkişafa tuşlanan kitabları ilə tanınan Mümin Sekmanın 10-cu əsəri “Hər şey səninlə başlar” sosial uğura gedən yolları anladır. Kitabda yerli və dünya təcrübəsindən olan misallarla uğursuzluğa necə alışıldığı və uğur qazanmanın necə öyrənildiyi haqda bəhs edilir. Əsərin təməlindəki sual budur: Nə üçün uğursuzluğa uğrayırıq? Çarəsizlik psixologiyasını necə yenməliyik? Uğur qazanmağı necə öyrənə bilərik? Uğurlu insanların bildiyi və digərlərinin bilmədiyi nədir? “Həyatda ya tozu dumana qatarsan, ya da tozu, dumanı udarsan. Seçim sənindir!” kəlamı ilə çıxan və uğuru öyrədən bu kitab özünün də uğur tarixçəsini yazıb. İlk nəşri 100 min tirajla çıxan əsər 2 ildə 500 min, 8 ildə isə 1 milyon oxucuyla görüşərək Türkiyədə rekord qırıb. Bununla da “Ən uğurlu uğur kitabı” adlanmağı haqq edib.

4. Kimyagər

Əsərdə, Şərq fəlsəfi fikrində qırmızı xətlə keçən “vəhdəti-vücud” dünyagörüşünün bədii təcəssümü kimi, insanın təbiətin bir parçası olduğu canlı boyalarla işlənilib. Heç nəyin təsadüf olmaması, hər hadisənin, sözün, uğur və uğursuzluğun bir əlamət olması romanın qayəsini təşkil edir. İnsan bu əlamətləri anlayarsa və öz yolunu davam etdirərsə kainatın ona məqsədinə çatmaqda yardım etməsi əminliyi İslam fəlsəfəsinin “nə baş verirsə, insanın xeyrinədir” tezisi ilə üst-üstə düşür…

5. Sirr

Bu kitab minlərlə insana daha fərqli həyat bəxş edib. Bu kitabda verilən məlumatlar yalnız maarifləndirici xarakter daşıyaraq, səhhətin korlanması zamanı diaqnostika, müalicə və ya hər hansı resept kimi nəzərdə tutulmamışdır. Bu məlumatlar peşəkar səhiyyə təşkilatlarının məsləhətləri ilə əvəz edilə bilməz. Kitabın məzmunundan istifadə, peşəkar səhiyyə təşkilatları tərəfindən verilən sağlamlıq proqramlarına vacib və səmərəli əlavə kimi məsləhət görülmüşdür. Ronda Bernin kitabı həyatınızı dəyişmək üçün daha bir şansdır. Onu əldən verməyin.

6. Hə ilə Yox arasında

Nobel mükafatı laureatı Alber Kamyunun “Hə ilə Yox arasında” adlı kitabına esse və hekayələri daxil edilib. Oxucu bu esse və hekayələrdə yazıçının tənqidi baxışlarıyla yanaşı, ustalıqla təsvir edilmiş təbiətlə insan təması, istənilən müharibəyə, istilaya olan nifrət və sözsüz ki, ekzistensialist fəlsəfəylə rastlaşacaq.

7. Hakimiyyətin 48 qanunu

İnsan psixologiyasının mahir bilicisi, Robert Qrin lə­tafətləndirmək və hökmranlıq etmək, özünə sevgi cəlb etmək və başqalarının düşüncələrini və əh­va­li­ruhiyyəsini məharətlə idarə etmək sənətini mə­nim­sə­məkdə sizə kömək edəcək. Bu kitabda toplanmış məs­ləhətlərə riayət etməklə, siz hər bir təbəssümü, hər bir jesti, hər bir sözü dağıdıcı silaha çevirə biləcək, rəh­bərlərinizin, iş üzrə həmkarlarınızın sonsuz etimadına və hörmətinə nail ola biləcəksiniz. Siz hər bir qadını (və ya kişini) məftun edə, eləcə də özünə inamlı, gur, uğurlu şəxsiyyət ola biləcəksiniz.

8. Mənim payım

Atası və qardaşları 16 yaşlı Məsuməni üzünü görmədiyi oğlana zorla ərə verirlər. Məsumə başqasını sevir. Ali təhsil almaq istəyir. Zorla ərə verildiyi oğlana təslim olmaqdansa, intiharı üstün bilən Məsumə hələ bilmir ki, onun əri ölkənin azadlığı, insanların rifahı üçün mübarizə aparan inqilabçı, təhsilli və müasir adamdı. Sadə və dindar ailənin hicablı, imanlı qızı ateistlərin, solçuların, inqilabçıların arasına düşür…

Hazırda mühacirətdə yaşayan Pərinuş Səniinin “Mənim payım” avtobioqrafik romanında İran qadınının həyatı, ailədə, cəmiyyətdə ona olan münasibət sadə və natural şəkildə təsvir olunur.

9. 10 zənci balası

Kiçik bir ada və bir-birini tanımayan on qonaq…

Naməlum ev sahibi…

Bəs görəsən, hər kəsi bura dəvət edən bu məşum cənab kimdir?

Qonaqların bunu araşdırmağa isə vaxtı qalmır. Patefon valından növbəylə səslənən ittihamlar bütün qonaqlar sanki hakim qarşısında, müttəhim kürsüsündə hiss etməyə vadar edir. Əlqərəz, əsl faciələr də bundan sonra başlanır. Naməlum ev sahibi tərəfindən ittiham olunan qonaqlar qəribə ardıcıllıqla qətlə yetirilirlər. Adada isə onlardan başqa heç kim yoxdur…

10. Da Vinçi şifrəsi

Leonardo da Vinçinin işlərində gizli şifrələr var…

Yalnız bu, ağlasığmaz hakimiyyət və qüdrət bəxş edən xristian ziyarətgahlarını tapmağa kömək edər…

Bəşəriyyətin əsrlərlə öyrənməyə can atdığı böyük sirrin açarı bəlkə də tapıldı… Müəllif “Da Vinçi şifrəsi” romanı üzərində işləyərkən, apardığı tədqiqatların bütün nəticələrini baş qəhrəmanı, din tarixi və ikonoqrafiya üzrə Harvard universitetinin professoru Robert Lenqdonun vasitəsilə oxucularına çatdırır. Roman Luvr muzeyində qoca mühafızəçinin qətlini Robert Lenqdona xəbər verən gecə zəngi ilə başlayır. Cəsədin yanında açarı Leonardo da Vinçinin işlərində gizlənən şifrəli yazı tapılır…

11. Məqsədlər

Şəxsi inkişaf üzrə dünyanın ən nüfuzlu trenerlərindən və ən çox satılan müəlliflərindən biri olan Brayan Treysinin, minlərlə uğurlu və həmçinin uğursuz insanlar arasında aparılmış araşdırmaların nəticələrinə və əsrlərin sınağından keçmiş prinsiplərə əsaslanan praktiki məsləhətlərlə zəngin “Məqsədlər” kitabı oxucuya qısa müddətdə istənilən məqsədə nail olmaq imkanı yaradan “sehrli dərslik”dir. Bu kitabda verilən sınaqdan keçmiş və son dərəcə praktiki olan məsləhətlərə əməl etməklə siz çox qısa müddətdə düşündüyünüzdən daha artıq nailiyyət əldə edəcəksiniz. İrəliləyiş sürətiniz sizi və ətrafınızdakı insanları təəccübləndirəcək. Bu sadə və asanlıqla tətbiq edilə bilən metodlara əməl etməklə qısa müddətdə indiki vəziyyətinizdən daha zəngin ola biləcəksiniz. İndiyə kimi yaşadığınız yoxsulluq və məyusluğu rifah və məmnunluq əvəz edəcək. Dost və qohumlarınızdan daha irəli gedəcək və tanıdığınız bütün insanlardan daha çox nailiyyət əldə edəcəksiniz.

12. 1984

Görkəmli ingilis yazıçısı Corc Oruellin (1903-1950) ya­ra­­dıcılığı dünya miqyasında məş­hur­dur. Xüsusilə onun “1984” romanı və “Hey­va­nıstan” povesti ötən yü­z­illikdə sözün, ədəbiy­yatın totalitar təfəkkürə və des­­­potik idarəçilik üsullarına qarşı mübarizəsinin ən diq­­qətəlayiq nümunələrindən sayılır. Hər iki əsər ya­ran­­dığı vaxtdan ədəbi və siyasi fikrin diqqət mər­kə­zin­də olmuş…

13. Yüksək effektli insanların 13 vərdişi

Bu kitab dünya bestselleridir, şəxsiyyətin inkişafı möv­zusunda misilsiz bir əsərdir. O, dünyada milyonlarla insana, o cümlədən Amerikanın sabiq prezidenti Bill Klintona, məşhur Lar­ri Kinqə və Stiven Forbsa böyük təsir etmişdir. “Fortune ­– 500” reytinqinə daxil olan böyük dünya korporasiyalarının bir çoxu “Yeddi vərdiş”də izah olunan effektivlik fəlsəfəsi ilə tanış olmağı öz əməkdaşlarının vəzifə borcu hesab edirlər. Kitab nə haqqındadır? O, hər şeydən əvvəl, həyat məqsədlərini, insan üstünlüklərini müəyyən etməkdə sistemli yanaşmanı izah və təqdir edir. Bu məqsədlər hər kəsdə müxtəlifdir və bu kitab özünü dərk etməkdə və həyat məqsədlərini dəqiq müəyyənləşdirməkdə yaxşı köməkçidir. İkincisi, bu məqsədlərə çatmağın yollarını da göstərir. Üçüncüsü, “Özünü necə təkmilləşdirmək olar?” sualına cavab verir. Burada imicin dəyişdirilməsindən söhbət getmir, mahiyyətcə özünü təkmilləşdirməkdən, daimi kamilləşməkdən bəhs olunur. Bu problemin sadə həll yolu yoxdur, burada möcüzə gözləmək olmaz. Hər cür pozitiv dəyişikliklər vaxt tələb edir, fəaliyyət və inadkarlıq istəyir.

Bu kitab təbiətin onlara verdiyi potensialı maksimum reallaşdırmağa can atan insanlar üçün əsl yol xəritəsidir.

14. Ferrarisini satan rahib

Bu kitab daha cəsarətli , sevinc və bolluq içində yaşamağa addım-addım çatmağa ruhlandıran bir hekayətdir.

“Ferrarisini satan rahib” bütün ölkədə tanınmış, məşhur bir vəkil Culian Məntlin başına gələnlərdən bəhs edir. Culian karyerasına başlayandan yalnız daha çox pul toplamaq haqda düşünür, nəyin bahasına olursa-olsun var-dövlətini artırmaq istəyir. Bütün il boyu istirahətsiz iş prosesi onu mənəvi böhranla üzbəüz qoyur. Bir gün məhkəmə zalında tirtap yerə uzanıb özündən gedir.

Bir müddət müalicə olunandan sonra o villalarını, Ferrarisini satıb ömrü boyu arzuladığı Hindistana səyahət edir. Burada rastlaşdığı müdrik ona həyatı daha mənalı yaşamaq yollarını öyrədir. O geri qayıdıb keçmiş iş yoldaşına başına gələnləri danışır. Keçirdiyi düzgün həyat tərzi Julianı yaxşı mənada elə dəyişib ki, hətta keçmiş iş yoldaşı əvvəlcə onu tanımır.

Kitabda mənalı yaşamağın yolları göstərilib. Kitab həyatını dəyişmək istəyənlər üçü stolüstü kitab ola bilər.

15. Bədən dili

Allan və Barbara Pizin “Bədən dili haqqında mükəm­məl kitab“ı “ətrafdakıların fikirlərinin onların jestlərinə görə oxunması” ilə bağlı hər kəsin şəxsi həyatının tamamilə bütün aspektlərinə və peşəkar fəaliyyətlərinə toxunur. “İstənilən insanı kitab kimi oxumaq”, düzgün davranış qaydası seçmək, hər hansı bir vəziyyətdə özünü inamlı və rahat hiss etmək, ən doğru qərarlar qəbul etmək – bütün bunlar indi real və hər kəsə əlçatandır. Bu kitab sizə həmçinin öz şəxsi qeyri-verbal siqnallarınızı dərk etməyə kömək edəcək və onlardan effektiv ünsiyyət üçün istifadə etməyi öyrədəcək. Bədən hərəkətlərinin dilinin yeni, müasir versiyasını öyrənin – belədə hökmən hər şeyə nail olacaqsınız!

16. Yenidən başlamaq mümkün olsaydı

Endryu Stilman “New York Times” qəzetində özünə parlaq karyera yaratmış istedadlı jurnalistdir. Onun məqalələri böyük rəğbət doğurub və bu, həmkarları arasında həsəd yaradır. Gələcək məqaləsi üçün material toplayan Stilmən jurnalist araşdırmasının gedişində təhlükəli adamlarla qarşılaşmalı olur. Bir dəfə səhər idman qaçışı zamanı o, naməlum şəxsin hücumuna məruz qalır. Ölümcül yaralanan jurnalist huşunu itirir və özünə gəldikdə həyatının iki ay öncəki dövrünə döndüyünü anlayır. Tale ona ikinci dəfə şans verib, bircə qatili tapmaq qalır…

17. Dostları necə qazanmalı və insanlara təsir etməli

itabda Karneginin üç böyük əsəri toplanmışdır.

“DOSTLARI QAZANMAQ VƏ İNSANLARA TƏSİR GÖSTƏRMƏK NECƏ OLAR”, “KÜTLƏVİ NİTQLƏRDƏ ÖZÜNƏ İNAMI NECƏ YARATMALI VƏ İNSANLARA NECƏ TƏSİR ETMƏLİ”, “NARAHATLIĞI ARADAN QALDIRMAQ VƏ RAHAT YAŞAMAĞA BAŞLAMAQ NECƏ OLAR” Bu kitabı onun külliyyatı da adlandırmaq olar. Altmış ildən çoxdur ki, Carnegie`nin kitabları bu gün çox məşhur olan min­ lərlə insanın biznes və şəxsi həyatında uğur qazandırıb. Siz bu kitabda öz imkanlarınızdan maksimum səmərəli istifadənin yol­ larını mənimsəyəcəksiz: İnsan hazırlığının üç əsas üsulları; Sənə bənzər insanları tapmağın altı yolu; Düşüncəylə insanlar üzərində qələbə çalmağın on iki üsulu; Narazı salmadan insanları dəyişməyin doqquz üsulu; Pis vərdişlərdən xilas olmağın yolları. Bugünkü həyatına və gələcəyinə görə narahatlıq hissləri keçirən səkkiz milyon insan iztirablardan, qorxudan “NARAHAT OLMAĞA NECƏ SON QOYMALI VƏ RAHAT YAŞAMAĞA BAŞLAMALI” kitabı vasitəsilə xilas olmuşdur. Bu kitab sənin biznes narahatçılığının və ya digər problemlərinin 50 fai­ zi­ ni aradan qaldırmağa, maliyyə narahatçılığından azad olmağa, yorul­ ma­ dan çalışmağa, özünü aramağa, özünü tapmağa yardım edəcəkdir. Şəxsi həyatınızda, biznesinizdə, dost çevrəsi qazanmaqda uğurlu ol­maq, eləcə də liderliyin sirlərini bilmək istəyirsinizsə, o zaman bu kitabı oxuyun.

18. Kişilər Marsdan qadınlar Veneradan

Bəzən kişi və qadınların sevgi münasibətlərində fikir ayrılığı, lazımsız dava-dalaş və mübahisələr yaranır. Bu da çox vaxt səbəbsiz ayrılıqlara səbəb olur. Bu kitab münasibətlər arasındakı gərginliyin səbəbini izah edir. Con Qrey cinslər arasındakı fərqləri dərindən araşdırıb sağlam sevgi münasibətləri qurmaqda sizə yol göstərən praktik bələdçidir. Həyatınızı sevgiylə doldurmaq, xoşbəxt olmaq sizin də haqqınızdır! Sevgi ecazkardır və fərqlərinizi xatırladığınız halda həyatınıza rəng qatmaqda davam edəcək.

“Kişilər Marsdan, Qadınlar Veneradandır” Amerika yazıçısı və münasibətlər üzrə məsləhətçi Con Qrey tərəfindən yazılıb. 50 milyondan çox tirajla satılan bu kitab 1990-cı illərdə bestseller olaraq 121 həftə öz birinciliyini qoruyub.

19. Xəz paltolu Madonna

İş tapmaq istəyən bir gənc keçmiş məktəb yoldaşının kö-mə-yi ilə bankda işə düzəlir. Orada məzlum, talesiz bir qoca – hə-ya-tı məğlubiyyətlərlə dolu Raif əfəndi ilə tanış olur. Sonralar ömrü-nün son günlərini yaşayan qocaya həyan olmaq istəyən gənc bir gün onun gündəliyini vərəqləyir. Və bütün həqiqətlərə də elə bu gün-dəlik güzgü tutur. Gənc yaşlarında Raif əfəndi atasının sənətini davam et-dir-mək üçün Berlinə yollanır. Burada incəsənətə olan marağı onu rəsm qalereyasına getməyə həvəsləndirir. Qalereyadadakı tablolardan birinə heyranlıqla tamaşa edən Raif tez-tez bura gəlib “Xəz paltolu qadın”ın portreti qarşısında seyrə dalır. Rəsmin müəllifi Mariya Puder adlı bir xanımdır və o, bir gün bu gənci kənardan izləməyə son qoyub ona yaxınlaşır. Söhbət etdiyi qadının portretin sahibi olduğunu öyrənəndə isə Raifin həyatı bir daha geri dönüşü olmayacaq şəkildə dəyişir. Sevilən Türk yazıçısı və şairi Səbahəddin Əli (1097-1948) Al-ma-niyada təhsil almış, geri döndükdən sonra Kon-ya və Ankarada müəllim işləmişdir. Azad fikirlərinə görə daim təqib olunan ədibin “Quyucu Yusif” (1937), “İçi-mizdəki şeytan” (1940) adlı romanları, “Dəyirman”, “Səs”, “Yeni dünya”, “Şüşəli köşk” adlı hekayələr kitabı, “Dağlar və Ruzigar”, Qurbağanın serenadası, başqa şeirlər” adlı şeirlər kitabı və “Əsirlər” adlı bir dram əsəri vardır. “Xəz mantolu Madonna əsəri”ni isə 1943-cü ildə yazmışdır.

20. Düşün və varlan

Yəqin ki, dünyada ən əhəmiyyətli və nüfuzlu kitab uğura, zənginliyə, maneələri aşa bilən həyat enerjisinə və məqsədyönlülüyə yönləndirən dərslik sayılır. “Düşün və varlan” kitabı 70 il ərzində zənginliyin yaradılması üzrə klassik dərslik sayılır. Napoleon Hill hər fəsildə pulun əldə edilməsinin sirlərini açır və bu sirlərdən istifadə edən minlərlə insan nəinki zənginlik əldə edir, üstəlik dayanmadan onu artırır və eyni zamanda öz şəxsi potensiallarını inkişaf etdirir, zənginləşdirir. Qarşınızdakı Napoleon Hillin möhtəşəm işinin əlavələr edilmiş, müasir həyata uyğun yenidən işlənib-hazırlanmış təzə klassik nəşridi. Kitab geniş oxucu kütləsi üçün nəzərdə tutulub.