Ağsuda imtahanlardan yüksək bal yığan müəllim dərssiz qaldı - Direktor saatları gizlətdi - MÜRACİƏT
Ağsu rayonundan olan müəllim Faktor.az vasitəsilə təhsil ictimaiyyətinə və Nazirliyə müraciət edib.
"Mən Əfəndiyev Elgün Vüqar oğlu. Ağsu rayon Kalva kənd sakini. 2013-cü ildə ali məktəblərə keçirilən qəbul imtahanlarında III ixtisas qrupu üzrə 507 bal toplayaraq Azərbaycan Dillər Univeristetinin Azərbaycan dili və ədəbiyyatı ixtisasına qəbul olmuşam.
2017-cı ildə həmin univeristeti bitirmişəm. 2017-ci ildən pedaqoji fəaliyyətə başlamış, Ağsu rayonu Dilman kənd orta məktəbində Azərbaycan dili və ədəbiyyatı fənnini tədris etmişəm. Bu il də Təhsil Nazirliyinin müəllimlərin işə qəbul imtahanına girmiş və 46 bal toplamışam.
Bu balla müqavilə əsasında Kalva kənd orta məktəbinə 6 saat dərs üçün seçim etmişəm və qəbul olmuşam. Amma çox təəssüflər olsun ki, məktəb direktoru vakansiya saatlarını gizlədib və mənə dərs saatını vermir.
Kiçik araşdırma apardım və çox sayda qanunsuzluqlar aşkarladım. Zəhmət olmasa bu barədə ölçü götürlüsün. Təhsil Nazirliyini aldadaraq 25 ildir ki, Sübhan Şükürov adına Kalva kənd orta məktəbinin direktoru işləyən Əsgərov Rubət Məhəmməd oğlu öz oğlu Əsgərov Elman Rubət oğluna saxta diplom düzəltdirib tarix müəllimi edərək, məktəbin daha çox tarix dərs saatlarını oğluna vermişdir.
39 saat Azərbaycan dili dərsinin 33 saatını həyat yoldaşı Əsgərova Balacaxanıma vermiş, qalan 6 saatını isə vakansiyaya çıxartmışdır.
Hətta bütün bunlar azmış kimi indi də oğlunu özünə müavin təyin edib. Hətta bu da azmış kimi, müavinlərə qanunla 6 saat dərs yükü olsa da, bu adam öz oğluna 12 saat dərs verib. O oğul ki, diplomu saxtadır.
Ali məktəbə qəbul olmadan adam diplom alıb. Onun qəbul ilində Kalva kəndi üzrə Dövlət İmtahan Mərkəzinin qeydiyyatına 1 nəfər şəxs düşüb. O da 37 bal. Heç bir zaman Dövlət İmtahan Mərkəzində 37 balla ali məktəbə qəbul aparılmayıb.
Gələk həyat yoldaşına. Həyat yoldaşı müəllimlərin diaqnostik qiymətləndirilməsində cəmi 27 bal toplayıb. Belə olanda Təhsil haqqında qanuna əsasən, 39 saat dərs verilməli deyildi.
Çünki 27 bala müvafiq cəmi 14 saat düşür. 25 saat vakant dərs gizlədilib. 25 saatın cəmi 6 saatı vakant yer kimi göstərilib. Qalan 19 saatı həyat yoldaşına verib bu adam.
Təhsil Nazirliyi hara baxır? Niyə bu hallar araşdırılmır? Araşdıranlara isə həmin bu direktor da deyir ki, gedin hara istəsiniz şikayət edin.
Mənim pulum var. Verəcəm lazımi yerlərə mənə toxunan olmayacaq. Bu nə düşüncə, bu nə təfəkkür, bu nə özbaşınalıq??? Bir adamın adı Dövlət İmtahan Mərkəzinin qəbul siyahısında olmaya, bir adam məktəbdə müəllim işləyə, amma diaqnostik qiymətləndirmədən keçməyə, atasının pulu ilə müəllim kimi işləyə.
Bu nə dövrdü? Bu nə özbaşınalıqdı? Niyə rayon Təhsil Şöbəsi bunları görməyib? Niyə rayon icra hakimiyyətinin təhsillə bağlı müvafiq qurumu bu məsələni diqqətə almayıb?
Yoxsa həmin direktor həqiqətən də pulla ört-basdır edib bütün bunları? Yaxşı bəs, Təhsil Nazirliyi tutaq ki, indi xəbərdar oldu bu faktlardan bəs nə olacaq addım? Sizə də mi pul təklif edib ört-basdır edəcək bu qanunsuzluqları? Bu hələ bilinənlərdi. Yaxşı bir düşünün ki, bir adamda bu qədər pul hardandı? Deməli ki, qanunsuz olan tək bu faktlar yox, onlarla belə fakt var.
25 il, 100 ilin dörddə birini bir müəssisədə qalan şəxs görün nələr etməyib. Öz oğlunu müavin təyin edən birinin öncəgörüsünə bir baxın. Direktor kimi görür artıq oğlunu. Sizcə bütün bunlar qanunsuzluq deyil də bəs nədir?
Bütün bunları araşdırmaq lazımdır. Görün dövlətin büdcəsini hansı şəkildə çapıb talayırlar. Mən olanları dedim. Araşdırmaq sizin işiniz.
Bu barədə məlumatı Azərbaycan Respublikasının Prezidentinə, Azərbaycan Respublikasının Vergilər Nazirliyinə, Azərbaycan Respublikasının Baş Prokuruluğuna və Korrupsiya ilə Mübarizə Baş İdarəsinə göndərəcəm".
Qeyd edək ki, müəllimin iddiaları ilə bağlı faktor.az saytı məsuliyyət daşımır, qarşı tərəfin də mövqeyini işıqlandırmaq haqqını tanıyır.
10:34
Məsələylə bağlı Sübhan Şükürov adına Kalva kənd orta məktəbinin direktoru işləyən Əsgərov Rubətlə əlaqə saxladıq və bu haqda açıqlama verdi. Onun sözlərinə görə belə bir vakansiyanın olmasından və təyinat verilməsindən xəbəri olmayıb. Şikayətçi Əfəndiyev Elgünün valideyni dünən məktəbə müraciət edib. Direktor Elgünün üzünü görmədiyini onun valideyniylə danışdığını bildirib. Məktəb direktoru 6saatlıq dərsin müqavilə bağlayaraq ona verilməsinə razılıq verib. Lakin, qarşı tərəf 20 saatlıq dərs və sinif rəhbərliyini istəyib. Direktor isə bunun mümkün olmadığını bildirib.
